بەبەشڎاری ژەناو ۋەرکۊت و کورڎسانی پێشەنگێۋە جە کەلار کرېاۋە
پێشەنگێۋە ھەرمانەو دەسی جە کەلار کرېاۋە ، چنڎېن ژەنۍ خۊتان ھەرمانۍ کە ژەنۍ ۋەرکۊتو کورڎسانی-شا چنە بێنۍ ۋەرھەمەکۍ ۋێشا نماېش کەرڎۍ .
گەرمېان – جە پارک و گرڎی شارۊچکڵەو کەلارو ناۋەنڎو ئېدارەو گەرمېانی ، پێشانگێۋە ھەرمانەی دەسی کرېاۋە ، چنڎېن ژەنۍ توانا دارۍ ۋەرکۊتو کورڎسانی و ژەنۍ گەرمېانی ۋەرھەمەکۍ ۋێشا ، کە بە ڕەنج و ۋێشا ۋەشا کەرڎێنۍ نماېش کرېۍ .
جە پێشەنگاکەنە ھەرمانەی دەسی و جلوبەرگی کورڎی چنرېاو دەس و ژەناو چنڎېن ۋەرھەمۍ تەرۍ نماېش کرېۍ ، ژەنا ۋەرھەمە وێمانەکۍ و واردە کورڎەوارېەکێشا وەشۍ کەرڎێبێنۍ و ورەشێنێشا ، ھامۋڵاتېۍ جە مەنتېقەکاو تەرو کورڎسانېۊ سەرداو پێشەنگاکەی مکەرا .
ژەنۍ ۋەرکۊتو کورڎسانی بە ھەرمانەکاشا بەشڎارۍ بێنۍ و کەرڎەېۊ ئی جۊرە پێشەنگاېا بە پەنەواز مزانا ، تا بتاوا تواناکاو ۋێشا وزانۍ بەرو پەشتی بە مانېاو ۋێشا بەسا .
بە ھەرمانەکام کولتورو کورڎی مشناس و بە جەھان و بەری "
نېشتېمان فەتاحی جە شارو مەرېوانېۊ بەشڎاریش کەرڎەن ، ئاماژەش پانەی کەرڎ کە چن ساڵێۋەن ھەرمانەی دەسېە مکەرۊو بەشڎاریکەرڎەېش جە ڤېستېڤاڵەکەنە پۍ ئەشناساو ھەرمانەکاشا بە ژەنا پانېشتو کورڎسانی و واتش " ژەنۍ ۋەرکۊتو کورڎسانی توانێۋە خاسشا
جە چنېەېو ۋەشکەرڎەو ھەرمانە دەسېەکانە ھەن و ھەرمانەکێشا جېاوازو تاېبەتێنۍ ، منېچ گەرەکما جە ڕاو ھەرمانەکامۊ کولتورو کورڎی پارێزنونە ، پۊکەی فرەتەر ئا کەرەسا بەکارمارو کە مۊرکۍ کورڎەوارېشا ئېنا پۊۋە ، حەج کەسۍ جە نەتەواکا تەری ھەرمانەکام بوېنۊ مزانا کە تاېبەتێنۍ بە کلتورو گەلو کورڎی ، فرەتەر ھەنارێم بە کار ئاوردێنۍ جە ۋەشکەرڎەو ھەرمانەکامەنە ، چونکی چێۋێۋی زېنەن و سەرنجە و ئەرەسانەکا لاۋێشەرە کێشۊنە .
ژەنۍ جە ھەرمان کەرڎەېنە حەزو ھېواکا ۋێشا مێزاۋە "
شادېە نادری جە شارو پاۋەو ۋەرکۊتو کورڎسانېۊ ئامێنە و ماچۊ ؛ جە ۋەرکۊتو کورڎسانی گروپێۋەنمۍ کە گرڎما ژەنېنمۍ ھەر پێشەنگێۋە ېان ڤېستېڤاڵێۋە کرېۊۋە ئێمە بەشڎارېش چنە مکەرمۍ ، من ئا ھەرمانە ۋەش کەرو کە جە سەردەمە ۋەڵېنەکانە بە کار ئامێنۍ ، جە کورڎسان و تاېبەتتەر جە گەرمېانەنە پاسە فکر کرېۊۋە کە مەبۊ ژەنی ھەرمانە کەرۊ و بلۊ بەرۊ ، ۋەلێم ژەنی مشۊ پەشتی بە ۋێشا بەسانۍ ھەرمانەو ۋێشا کەرانۍ ، چونکیم ژەنی ئەگەر ھەرمانە کەرا دلۍ ھەرمانەکێشانە حەزو ھېواکاو وێشا مێزاۋە .
ھ.ئ
