کۊنفرانسێۋە زانسی زانسگەو ھەڵەبجەی پۍ ئاوردەینەی لواڕاۋە ، ېۊ جە ئاوردەېنەرەکا زارعێوە کورڎو خەڵکو شارەزورین، کە واڕیایش جە مەکینێۋە جۊرو عەنتەرینە کەرڎەن چن تایبەتمەنڎیێش پۍ زېاڎ کەرڎەن کە ھەرمانە پۍ زارېعا ئاسانە کەرۊ .
ئارۊ جە ھۊڵەو کتێبخانەو گرڎی زانسگەو ھەڵەبجەی بە بەشڎاری (٨٢) ئاوردەینەرا جە عێراق و ھەرێمو کورڎسانی ١٠ ېەمین کۊنفرانس و نێم دۊڵەتی پۍ ئاورڎەینە لوا ڕاۋە، کە چە کۊنفرانسەکەنە ئاوردەینەرەکۍ بیرۊکەو ھەرمانەکا وێشا وست ڕووە چا ېاگانەی کە خزمەتشا کەرڎەن .
دکتۊر سیروان حامیڎ ېاردی دەرو سەرۊکو زانکۊی بەڕۊژنیوزیش وات " ئارۆ ١٠ ېەمین کۊنفرانس و نێم دۊڵەتی بە ھامکاری سەنتەرو نێم دۊڵەتی فەرەنسی پۍ ویرمەنڎاو ئاورڎەینەرا ساز کرېۊ چنەشەنە ١٠ زانسگۍ حکومی و ئەھلیۍ جە عێراق و ھەرێمو کورڎسانینە بەشڎاری مکەرا. ئا کەسۍ بەشڎاریشا جە کۊنفرانسەکەنە کەرڎەن چی بوارانە بیەن " پزېشکی ، ئەنڎازېاری ، فیزېا " ئاورڎەینەرەکاشا باس کەرا کە بەشێوەو پۊستەرا وزېان ڕووە .
سەبارەڎ بە گرنگی کۊنفرانسەکەی واتش'' کۊنفرانسەکە گرنگا پۍ زانسگەو ھەڵەبجەی بە مەڵامەتو ئانەی جە زەمەنی ویەرڎەنە ھەڵەبجە ناۋەنڎو ئاورڎەینە بیەن جە بوارەکاو " ئەڎەبی و ھونەری و شۊڕشگێڵینە" پۊکەی ئی کۊنفرانسۍ گرنگی وێشا ھەن بەشڎاربیەکێ بیرۊکەو زانیا کاشا ما بەین و ېۊترینیەنە واڕاۋە .
لا وێچشۊ عوسمان ساڵح کە جە ساڵانی ویەرڎەنە مەکینەی عەنتەرش بە تازەتەرین شێۋە وست ڕووە، ېۊ بۍ جە ئاورڎەینەراو بەشڎاریش جە کۊنفرانسەکەنە کەرڎ بەڕۊژنیوزیش وات" بە وەشحاڵیۊ ئارۊ پێسە ئاورڎەېنەرۍ جە بوارو مەکینەینە بەشڎاریم جە کۊنفرانسەکەنە کەرڎ، ئاورڎەینەرەکۍ من ۋەڵێوستەی مەکینەو عەنتەرین بە چن فاڕېاېۍ تازە تاوانما سەڎان مەکینۍ تازەکەرمۍ و ۋەڵێشا وزمۍ .
سەبارەڎ پا واڕیاېا کە مەکینەنە کەرڎێنێش واتش " واڕیاېەکۍ جە تاک ئەکسلۊ کریێنۍ بە دەبڵ ئەکسل ، بەستەو برێکی پۍ ھەرچوار لای ئینەیچ پاسە کەرۆ کە سڵامەت بۊ کە ھەر ڕێۋەرە بلۊ ھورنەوێڵیۊ ھەرپاسە تیژ لوایش جە سەعاتێنە ٢٥ کیلۊمەترۍ پۍ ٥٠ کیلۊمەتران جگە چانەیچ دەبڵ ڕادێتەرا ئانەیچ پاسە کەرۊ جە ۋەختو ھەرمانکەرڎەینە بە ھیچ جۊرۍ گەرم نەبۊ خزمەت و تەمامو زارێعا کەرۊنە .
ھ.ئ
