بەشێوە جە بنەیانەو زینانیا سیاسی جەقەنارەدریایا کوردی دژو سیاسەتو جە قەنارەدای دۆڵەتو ئێرانی بە بەرزکەردەیۆ شەکوای یاساییە داوا جە نەتەوە یۆگێرتەکا  مکەرا بەمەڵامەتو جابەجێکەردەو ئا سزایا فشار بوزانە سەرو تارانی.

جوان تەیمسیە هامژینەو زینانی جەقەنارەدریای 'موحسین مەزلوومی' سەبارەت بە تۆمارکەردەی شەکوا سەرو ئێرانی جە نەتەوە یۆگێرتەکانە پەیامێوەش جە پێگەو وێشەنە جە پەلیانەو ئێکسینە وەڵاکەردۆ.

پەیامەکەنە ئامان: "ئێمە پێسەو بنەیانەو جەقەنارەدریایا (موحسین مەزلووم، وەفا ئازەربار، پێژمان فاتحی و محەممەد فەرامەرزی) جە نەتەوە یۆگێرتەکانە دژو ئێرانی شەکوای یاساییما تۆمار کەردەن."

جوانا تەیمسیە ئاماژەش پانەیە دان؛ شەکواو بنەیانەو جەقەنارەدریایا کوردی جە دژو ئێرانی  پەی ناچارکەردەیشا بە ئاشکراکەردەی قەبرەو جەقەنارەدریایا.

جوانا تەیمسیە ئانەیچش وستەن ڕووە، ئێمەی بنەیانەو ئازادیوازا، بە گردو ئا میکانیزمە یاساییە میانەتەوەیی و نیشتمانیاوە کە هەنێ، ئەگەر قورسێچ با، جە داواکارییەکاما بەردەوامێ بیمێ.

جە دما دمایی قسەکاشەنە ماچۆ،  ئێمە گەرەکمانە پێسەو دەنگو دادپەروەری جە ئێرانەنە بەردەوامێ بیمێ و داوا جە گردو ئازادیوازاو، چالاکا سیاسیی و مافو مرۆڤی مکەرمێ چی ڕێنە هامهەڵوێسێما با.

یاگێ ئاماژەینە، جە ٩و شوباتو ٢٠٢٣ ێنە هەر چوار زینانیە سیاسییەکێ، کە کوردێنێ جە لایەنو دەسەڵاتدارا ئێرانیۆ جەقەنارە دریێ