جە برۆکسلو پایتەختو بەلجیکاینە بە هەزاران کەسێ بە داواو ئایێربەسی هەمیشەیی کەرتو غەززەی ڕاپیمایشا کەرد. جە ڕاپیماکەینە هرووژمەکێ سەرو وەرنیشتوو کوردەسانی شەرمەزارێ کریێ.
هیزی یەکشەممە جە وێستگەو نۆردینە سەعات ١٤:٠٠ ڕاپیماکەی ئەنجامدیا. گەل بە بەرزکەردەیۆ لافیەتەکاشا دماو دووێ سەعاتا ڕاپیمای سەروجادەکاوە یاوێ وێستگەو برۆکسل-میدیی.
کاتو ڕاپیماکەینە بە بەردەوامی درووشموو پارێزناو فەلەستینی واچێنێ و ئاڵاو فەلەستینی بەرزکریاوە. وینیشاندەرا داواشا کەرد ئایێربەسی هەمیشەیی جە کەرتو غەززەینە بەسیۆنە و دمای بە تاوانێ دژ بە فەلەستینییەکا بێنە.
چنی بەردەوامی ڕاپیماکەی بە سەرمەشقایەتی کۆمیتەو پەشتیوانی جە وەرنیشتی کارەوانێوە جە کوردا بەشداری ڕاپیماکەی بیێ. جوانا کوردی بە بەرزکەردەیۆ ئاڵاکا یەپەگەی و ڕابەر ئاپۆی پەیامو ئەوەکۆشای هامبەششا پەی فەلسەتینییەکا بەربڕی.
