رۆمانو 'ئازادی سەرگنۆ' جەبارەو ژیوای ڕابەرو گەلو کوردی عەبدوڵا ئۆجالانی نویسیان، جە روانو ٣ ۍ ٤و تشرینو یوەمینە مشناسریۆ.چالاکیەکە بە سەرمەشقی ناوەندو دیموکراتیکو کوردا جە بەریتانیانە (نادەک)، ئەنجومەنو  ژیوای ژەنێ و پەژاکی ڕێکوزیۆ و ڕۆو ٣ۍ تشرینو یوەمی سەعات ١٣:٠٠- ١٥:٠٠ هۆڵو سمینارو بەشو کۆمەڵناسی زانکۆو کامبریجینە ملۆ ڕاوە.

هەرپاسە ڕۆو ٤و تشرینو یوەمی سەعات ١٧:٠٠ جە ناوەندو گلێرکەو کوردی لەندەنەنە مەراسیمەکە ملۆڕاوە. مەراسیمەکە بە هامکاری نادەکی، ئەنجومەنو ژیوای ژەنێ، تەکۆژینی و جمیەرو جوانا شۆڕشگێڵنی سازمکریۆ و چا رۆمانەکۍ مشناسریۆ. رۆمانەکۍ جەلایەنو نویسەری خاوەن خەڵاتو سکۆتلاندی شۆن مایکڵ ویڵسنیۆ نویسیان و ڕسمەکێچش جەلایەنو هونەرمەڼی کوردیۆ ئاماڎەکریێنێ. هەردووە چالاکیەکە بە بەشداری نویسەرا و نوێنەرا دەسوەڵێوزی میاننەتەوەی رەیمار هایدارێ ئەنجام مڎریا.

دماو ئشناساو کتێبەکەی بەرە پەی گفتوگۆو ئاماڎەبییایچ مکریۆوە.