چنی ۋەردەوامی کەمپەینەکا پۍ ئازاڎکەرڎەو رابەرو گەلو کورڎی، " عەبدوڵا ئۊجالان " ی

بەشۍ جە پارێزەراو شارو ھەولێری پەشتېۋانی ۋێشا پۍ کەمپەینەکا بەربڕی و گێرتەو ڕابەر ئاپۊی، بە ناداڎپەروەری مزانا.

پارێزەر بەشدار حەسەن: پەشتېۋانی ۋێش پۍ ئازاڎبیەو ڕابەر ئۊجالانی بەربڕی و ۋاتش،" شەرفۍ گۊرەن پۍ من کە بتاوونە ڕوۋۍ پێسە پارێزەرۍ جە داڎگانە پەشتېۋانی جە " عەبدوڵا ئۊجالان" ی کەرونە، پێسە پارێزەرۍ پەشتېۋانی جە ئازاڎبیەو ئا سەرکرڎەیە کەروو، چونکی ئازاڎ بیەو ئاڎیی ئېسفاڎۍ گۊرە بە مەنتېقەکەی مېاۋنۊ".

ئا پارێزەرە باسش چانەی کەرڎ،"عەبدوڵا ئۊجالان" دەورۍ عالش ھەن جە چارەسەرکەرڎەو کێشەکاو سەرنېشتوو کورڎسانی و پارچەکاو تەرو کورڎسانی، چونکی ئی سەرکرڎە نەخشە ڕاو چارەسەرکەرڎەو کێشەکاش ئینا لاوە پۍ ئاشتی، پۊکەی پەنەوازەن جە تەمامو کورڎسانېنە پەشتېۋانی جە ئازاڎ بېەو " عەبدوڵا ئۊجالان"ی کریۊ.

جە دما دماییەکاو ساڵەو ١٩٩٨ی گەلەکۊمەو مېان دۊڵەتی سەرو ڕابەرو گەلو کورڎی " عەبدوڵا ئۊجالان"ی دەسش پنە کەرڎ، کە چنڎېن دۊڵەتۍ و دەزگا جاسوسیەکێشا چنەش بەشڎارۍ بێنۍ و ھامکاری دۊڵەت و ترکی ئەرەگېریشا کەرڎ، پۍ ئەنجامداو ئا پېلان گێڵیە، جە ١٥ و شوباتو ١٩٩٩ی پېلان گێڵیەکە یاۋا ترۊپک و ڕابەر ئۊجالان-شا جە نایروبی پایتەخت و کېنیای ئەڕفاو جە ئېمڕاڵی گۊشەگېرشا کەرڎ.

چنی ئانەیچ نزیک بە  ٢٤ مانگان گۊشەگیری سەرو ڕابەر ئۊجالانی ھەن جە گێرتەخانەو ئېمڕاڵینە و دۊڵەتو فاشېستو ئەکەپە- مەھەپەی ڕا بە دیڎاری و چەم پنەکۊتەی چنی ڕابەر ئۊجالانی مەڎا، داواکەرڎەی پۍ چەم پنە کۊتەی و دیڎارو ئېمڕاڵی ۋەردەواما.

شۊڕش کەریم ؛ پارێزەرۍ تەرو شارو ھەولێریا، ئاماژەش پانەی کەرڎ، بە ئازاڎ بېەو "عەبدوڵا ئۊجالان"ی چارەو تەمامو کێشەکاو دلۍ تورکېای کریۊ و جە ھەمان ۋەختەنە گەلو کورڎی پەنەوازش پی سەرکرڎەیە ھەن پۍ پارێزناو مافەکاش، چونکی ئی سەرکردە تواناو چارەسەرکەرڎەو گرڎو موشکېلەکاش ھەن. 

ئا پارێزەرە باسش چانەی کەرڎ، بە ئازاڎ بیەو " عەبدوڵا ئۊجالان"ی پرۊسەو سېاسی جە مەنتېقەکەنە ۋەڵۍ کەوتەیۍ عال بە ۋێشۊ موینۊ، چونکە گرڎو کورڎی پەنەوازشا بە سېاسەت و حەکېمانەو ئی سەرکرڎە گۊرەیە ھەن، پۊکەی پەنەوازا گر تاکۍ کورڎی جە ھەر یاگۍ جەھانېنە بۊ، پەشتېۋانی جە کەمپەینو ئازاڎ کەرڎەو " عەبدوڵا ئۊجالان"ی کەرۊ.

١٥ و شوباتو گرڎ ساڵۍ جە چۋار پارچەو کورڎسانی و ۋڵاتا ئۊروپای و تەمامو جەھانېەنە، بە مەڵامەتو ئا پېلانگێڵیە مېان دۊڵەتېەیۊ چنڎین چالاکېۍ نۊعاو نۊعۍ ملانە ڕاۋە و گەلو کورڎی، پاپەنڎ بیەو ۋێش بە فکرو فەلسەفەکاو ڕابەر ئۊجالانی پۍ ئازاڎیی گەلو کورڎی و گەلاو مەنتېقەکەی دووپات کەرۊۋە.

ھ.ش