چالاکە مەدەنییەکاو وەرکەوتوو کورڎسانی بەیاننامێوەنە داواشا جە گەلی کەرڎە چا بەشەو کورڎستانینە، کە بە هەستی نەتەوەیی و بە هۊشمەندیی ئینساندۊسانەوە، بلا دەموو وەنەقۊمیایا بومەلەرزەکەیۊ ئێش و مەینەتییەکاشا کەمۍ کەراوە.
چالاکە مەدەنییەکاو وەرکەوتوو کورڎسانی بە بڵاوکەرڎەیۊ ئەرەیاونایۍ، جگە جە بەروستەی هامخەمی پەی قوربانییاو بومەلەرزەکەو ئی دماییە سەرنیشت و وەرپڕوو کورڎستانی، داواشا جە خەڵکوو کورڎسانی کەرڎە، هامکاری کۊ کەراوە و بیاوناش وەنەقۊمیایاو بوومەلەرزەکەی.
بەیاننامەو چالاکەکا چینەن:
بەداخۊ ششوو شوباتی بومەلەرزە چنڎین جارۍ تورکیا و سووریا و چنڎ وڵاتێوە مەنتێقەکەی و حەرپاسە شارەکاو سەرنیشت و وەرپڕوو کورڎسانیش لەرنێوە، بی بایسوو مەردەی و برینداربییەی هەزاران کەسا. پەوکای پی بۊنەوە، پێویسا بە هەستێوە نەتەوەیی و بە هۊشمەندیی ئینساندۊسانەوە، بلمۍ پێوای وەنەقۊمیایەکاوە، هەوڵۍ دەیمۍ ئیش و مەینەتییەکاشا کەمۍ کەرمۍ.
پەوکای داوا جە گەلوو وەرکەوتوو کورڎسانی کەرمۍ، هامکارییەکاشا ڕوانەو پانیشتوو کورڎسانی کەرا، وەروو ئانەی جە ڕاو مانگەی سوورەو کورڎستانیوە، بیاوۊ دەسوو وەنەقۊمیایا بوومەلەرزەکەی سەرنیشت و وەرپڕنە.
یاگۍ باسی و واتەینە وەروو ئانەی سەروو حدوودیوە حوکمەتوو هەرێمی دەس نەگێرۊ ملووهامکارییەکارە، خاستەرا هامکارییەکۍ بە زەڕی نەقد ڕوانەو کەسە سێقەپەنەکریایا کەرا، لاو ئاڎیشاوە یاونیا کەمپینەکاو ئەمنەسوورەکەی و مانگەی سوورەو کورڎسانی جە شاروو سلێمانی.
