قەومۍ زیڼانیا و جەمەو هامکاری و پەشتیوانی جە قەومو کەسوکارو زیڼانیا و حکومدریایا ئەگێ (ئەگێ_توای دەر)ی ۋەردەمو گێرتەخانەو کرکلاری بوجاینە جە ئەزمیر چالاکی "دەنگت بووزە پاڵو ئازاڎیی"شا ئەنجامدا. بەشدارا هێلەکۍ "نا پەی گۆشەگیری"یشا پۆشۍ و لافیتەو "پەی دادپەروەری گۆشەگیری بماڕدۍ، پەی ئاشتی دەنگتا بووزدۍ پاڵو ئازاڎیی"شا هۆرگێرت، هەرپاسە درووشمەکاو "بژیۋۆ مڎرامانوو زیڼانی" و "نا پەی گۆشەگیری، ئازاڎیی پەی زیڼانیا" بەرزکریاوە. ئەنداماو پارت و ڕێکوزیاکا بەشدارۍ چالاکییەکەی بێنۍ.

هامسەرۆکو دەم پارتی ئزمیری، ڤەزان کارابولوت ئەرەیاۋناش گۆشەگیری ئیمراڵی جە گرڎو زیڼانەکانە وەڵا بیەنۆ و گەرەکشانە ئیراڎەو زیڼانیا بماڕا و جە ڕوو جەسەیی و دەروونیۆ دلێشانە بەرا، واتش: "پەنەوازا ئی کارە نایاسایۍ جە گرڎو زیڼانەکانە و بەتایبەت جە ئیمراڵینە هۆربگیریا، چی ڕوانگۆ هۆشداری مڎەیمۍ بە دەسەڵاتی. گۆشەگیری تاوانێوەنە دژ بە مرۆڤایەتی. با گۆشەگیری جە تەمامو زیڼانەکانە هۆربگیریۆ. ئازاڎیی پەی زیڼانیا سیاسی".

چالاکییەکە بە بەرزکەردەیۆ درووشمی دمایش پنە ئاما.