کەمپوو گەشمەرڎە "ڕۊستەم جودی" (مەخمور)نە، چالاکیی مانگێرتەی پەی ئازاڎیی جەسەیی "عەبدوڵڵا ئۊجالان"ی ڕابەروو گەلوو کوردی جە ١٧مین ڕۊنە، جە لاو نۊ گرووپاوە درێژەش هەن.

جە ڕاوڕەسموو ٨مین گروپوو چالاکییەکەینە، چالاکییەکە دریا دەسوو گرووپوو نۊیەمیوە. مەراسیمەکە بە ڕێزگرتەی جە گەشمەرڎاو ئازاڎیی کوردسانی دەسش پەنە کەرد، دماو ڕێزگێرتەی، سەروو نامۍ گرووپوو هەشتەموو دیجلە کاراینە، ئەرەیاونایۍ ونیاوە.

دیجلە کارا، ئەوەڵۊ سەرەوەشییش جە بنەیانەو قوربانییا بوومەلەرزەکەی کەرد و واتش، " ٢٥ ساڵێن ڕابەرایەتیما ئینا زینڎاننە و فەترێوە فرەن حیچش جە بارەوە مەزانمێ. ئامانجوو چالاکییەکەیما ئازاڎیی جەسەیی ڕابەر ئاپۊین. وەروو ئانەیچ پێسە گەنجاو مەخمووری تا زانیاری جە سەرۊکیما ور نەگێرمێ، دلۍ چالاکییانە بیمێ. ئازاڎکەردەی "ڕابەر ئاپۊ"ی بە ڕێکوستەی گەنجا بۊ. وەروو ئانەیچ  ئێمە داوا وەنەو گردوو گەنجا و ژەنا کەرمۍ کە یاگۍ وێشا دلۍ کۊشیاینە گێرا.

ڕاوڕەسمەکە بە دروشموو ' گەنجۍ فیدایۍ ڕابەر ئاپۊینێ' دماییش ئاما.

س.ز