سەرسەعبو ئارۆی کاروانێوە جە هاموڵاتییا شارەکا ڕەقەی، تەبقا و دێرەزۆر دماو گلێرۆبییەیشا زەماوەنێوەشا گێڵنا و بە وەشی و بە هورگێرتەو ئاڵاو قەسەدەی کەوتێ ڕا پەی مڏرامانو ئێشکگیری بەندواو تشرینی کە جە ٨و کانوونو دوەمیۆ گەل جە دژو هرووژمە ئەرەگیرییەکا دۆڵەتو تورکی و چەتەکاش بەراش ڕاوە.

چنین هاموڵاتیێ جە ژەنی، جوانێ، بەتەمەنێ، هونەرمەندێ و ڕۆشنویرێ جە چوارڕیانو فیروسیەییەو وەرنیشتوو شارو ڕەقەی گلێرێ بیێوە و دماو یاوای کاروانەکەو دێرەزۆری بەرەو بە ندواوەکەی کەوتێ ڕا.

چەمەڕا کریۆنە ئی کارەوانە دماو یاوایشا بە کامپو مەحمودلی دەگاو وەرکەوتوو کانتۆنی تەبقای تێکەڵ بە کارەوانو کانتۆنو ڕەقەی و دێرەزۆر باوە و دماتەر بە جەماوەری یاوانە بە بەنداوەکەی پەی هورگێرتەو ئێشکگیری.