٣٢مین ئەرەنیشتەو دۆسیەو "کەجەکەی، کە بە گردی ٤٦ ڕۆنامەنویسێ و کۆششکارۍ میدیایی بە تۆمەتو "ئەندام بییەی جە ڕێکوزیای"نە، "ڕاوەبەرو کاروبارو ڕێکوزتەی" و "پڕوپاگەندەی پەی ڕێکوزیای" چنەشەنە دادگایی مکریا، جە یەرەمین دادگاو سزا قورسەکا  دادگاو ئەستەنبوڵینە لوا ڕاوە. تۆمەتبار کریایا بەشداری ئەرەنیشتەکەیشا نەکەرد، بەڵام پارێزنەرەکێشا ئاماڎێبێنۍ.

یوکسەل گەنچ، پارێزنەرو  ڕۆنامەنوویس ئەرەیاوناش، ٢٥ـەمین دادگاو سزا قورسەکا ئەستەنبوڵی دۆسیێوە تازەش جەدژو موکیلەکەیش کەردەنۆ و بەمەڵامەتو ئانەی دلێینەو دۆسیەکەش هامشێوەو وەڵتەرین، دواش کەردەن هەر دووە دۆسیەکێ با بە دۆسیێوە.

پابۆنۆ دادگا قەرارشدا دۆسیەکەو گەنچی جە ٢٥ـەمین دادگاو سزا قورسەکا ئەستەنبوڵینە ئەوەکۊڵیایش سەر بکریۆ. هەرپاسە دادگا ئەرەنیشتەکەیش پەی ٢٣ۍ کانوو دووەمو ٢٠٢٥ ی دماوست.