بەمەبەسوو دیڎاری چنی رابەروو گەلوو کوردی عەبدوڵا ئۆجالانی کە ئینا چێرو گۊشەگیری سەختوو ئیمڕاڵینە و چەمپنەکۊتەی زیڼانیا تەرو ئیمڕاڵی، پارێزنەراو نویسینگەو یاسایی سەڎەی سەردای داواکاروو گرڎیینوو کۆماریشا جە بورسا و ڕاوەبەرایەتی زینڎانوو ئیمراڵی کەرد.

پارێزنەراو نویسینگەو یاسایی سەڎەی ئیبراهیم بیلمەز، رەزان ساریجا، رازیە ئۆزتورکە، مەزڵوم دینچ و فایەق ئۆزگور پەی ئانەی بتاوا موەکیلەکاشا عەبدوڵا ئۆجالان، عومەر خەیری کۆنار، حامیلی یەڵدرمی و وەیسی ئاکتاشی بوینا، داواکاریشا وست ڕووە.

ڕابەرو گەلوو کوردی عەبدوڵا ئۆجالان ساڵەو ١٩٩٩ی بە پیلانگێڵنیێوە مېیاننەتەوەیی گیریا و جە دوورگەو ئیمراڵینە ئینا گۆشەگیرینە و ماوەو ٤٣ مانگان گۆشەگیرییەکە بە شێوێوە رەها ئەنجام مڎریۆ.

داواکاریی بنەیانەی و پاڕێزنەرا بە مەبەسو ئەنجامدای دیڎاری یان بێ جواب مەنۆوە یان بە بەهانۍ بێ بنەمای ڕەڎۍ مکریاوە، یاخوڎ دماو چن مانگۍ بە بەهانۍ هەڕەمەکی و بێ بنەمای چێرو نامۍ سزاو نایاسایی دیسپلینینە ڕا جە ئەنجامدای ئا دیڎارا مکریۆ. تا ئیساتێچ مەڵامەتو سەپنای سزاو دیسپلینی نمەزانیۆ.