جە ۋېەرڎەنە ھۊرپڕا و مۊسېقاو شانۊ پۍ کورڎی قەڎەغە بۍ ،ۋەلێم جە دماو سەرھۊرداو ١٩ و تەموزی ، ھۊرپڕاو مۊسېقاو شانۊی کورڎی ېاۋان بە باڵاتەرېن ئاست ، پۍ ئاشنا بېەیما پی ۋەڵێکۊتەېە ڕووەما جە ناۋەنڎو ڕۊشنۋېری ھونەری کۊبانۍ کەرڎ .

مامۊساو لێژە (بەش)و ھۊرپڕای ۋاتش ؛ جە دماو ئاخێزو ١٩و تەموزی ئاست و ھۊرپڕای ېاوان بە باڵاتەرېن ئاست و ۋاتش ؛ جە ۋېەرڎەنە ھۊرپڕای کورڎی قەڎەغە کرېابۍ ، تەنېا ۋێش جە دەفەو زووڕنانە بەر وستەبۍ ، ۋەلێم جە دماو ١٩ تەموزېۊ ھۊرپڕای کورڎی ېاوان بە باڵاتەرین ئاست ، ئێمەېچ ھۊڵ مرەېمۍ ۋەڵېنەو ھۊرپڕای کورڎی عالتەر بە زارۊڵا ئاشنا کەرمۍ .

ئەحلام عەبدی ۋاتش ؛ مەتاوۊ ئەشناسا (پێناسە)ی پۍ مۊسېقای کەرۊنە و ماچۊ " جە قەېڎمەنە ۋەختۍ باس جە گۊرانیۍ  کوڕڎی کرېۍ ، جە دژو مۊسېقاو کورڎی پاکتاو کەرڎەی و سەڕېەېۊ سەپنێنۍ ، ۋەلێم بێستا جە ڕاو مۊسېقاو ئۊرکێستراکا وێماۋە ېاۋێنمۍ بە باڵاترېن ئاست . جە ڕاو مۊسېقاېۊ گرڎو ھەستەکاما بەروزمۍ ھومێڎەوارھەنا کە مۊسېقای کورڎی بېاوۊ بە بەرزتەرېن ئاست ، بە پەی لواو من مۊسېقا ژېانێۋی فرە فراوان و فرە ڕەھەنڎا ".

زارۊڵێوە بەنامۍ بەېان فەتحی حەسەنی پنەش ۋاتېمۍ ؛ ۋەختۍ جە شانۊنە بەشڎاری کەرۊنە ھەست کەرۊ پێسە کاوەترێۋە ور فڕۊنە و ۋاتش " ۋەختۍ شانۊ کەرو ، چانەی مېاوونە ، کە ئېنانا ژېواېۍ جېاوازەنە ، ھومێڎەوارەنا کە شانۊی کورڎی فرەتەر گەشە کەرۊ ، ئێمە داوا جە زارۊڵا کەرمۍ کە بەېاو بەشڎاری جە شانۊینە کەرانۍ ". 

زارۊڵێوەتەرېچ بە نامۍ ئەڤېن خەلېل –ی پنەش ۋاتیمۍ ؛ شانۊ چێۋێوی فرە جۋاناو ۋاتش " ھومێڎەوارەنا ڕۋۍ شانۊی کورڎی بۊنە بە گۊرەتەرېن شانۊو جەھانی ، بێستا چن جارشانۊما نماېش کەرڎەن و ۋەردەوامۍ بېمۍ جە ھەرمانەکاما .

ھ.ئ