بە مەڵامەتو شارتەیۊ گۊرەیی بومەلەرزەکەیۊ جە سەرەتاو ڕوۋەداکەینە، پاسەش کەرڎ کە خەڵک نەلۊ دەمو زەرەر ۋنە کۊتاو بومەلەرزەکەیۊ، ئېنەیچ  بی بە مەڵامەتو بەرزبیەیۊ قەبارەو زەرەرەکا.

سەلاحەدین دەمېرتاش، ھامسەرۊکی ۋەڵېن و ھەدەپەی جە زەنجېرە تویتێنە، کە شەۋەی ۋیەرڎۍ دێرۍ ۋەڵاوش کەرڎۊ، ڕەخنێۋە تنش جە دەسەڵاتو تورکیای گێرتو ۋاتش: ئامارەکۍ بومەلەرزەکەیچ ھامشێوەو ئامارەکاو کۊرۊنای دروسۍ نیەنۍ، یاگۍ ئەسەفیا کە بێستا زیاڎ جە١٠٠ ھەزار کەسا ئېنۍ چێرو دارو پەرڎوینە کریۊ جە ئېسەنە ژمارەو ئاکەسایچە کەجە دەسما دێنۍ ٣٠ ھەزار کەسێش ۋیەرنابۊ.

دەمېرتاش ھەرپاسە ڕەخنەش جە دەسەڵاتو ئاکەپە-مەھەپەی گێرتو ۋاتش: جە سەرەتاو ڕوۋەداکەېنە گۊرەیی بومەلەرزەکەیتا شاراوە، ۋەرو ئانەی کاردایۊ کتوپڕی وەش نەبۊ، بەڵام پی ھەرمانێتا خەڵکتا پۍ بە دەمۊ لوای ۋنەقۊمیایا دما وست.

ھەرپاسە جە درێژەو تویتەکەینە نۋیستەنش؛ حکومەتو تورکېای جە ئەوەڵ ڕۊو دماو بومەلەرزەکەی عەھدش دابۍ کە ١٠ ھەزار لېرۍ (٥٣٠) دۊلارۍ بڎۊ بە گرڎ خێزانێۋە زەرەر ۋنەکۊتەو بومەلەرزەکەی، ئانەیچ سوکایەتیا، ۋەختو ئانەی ئامان ٨٥ ملوێن کەسۍ ئا ڕاسیە بۋینا کە ئی دەسەڵاتە دمایش پنە ئامان، ۋێما دەس دلۍ دەسی ھەوڵو ساڕێژکەرڎەو زامەکاما مرەیمۍ.

سەرسەعبو ڕۊو ٦ و ئی مانگۍ، چن بومەلەرزێۋە کە بەقوەتەرینشا گوڕەکەش ٨.٧ پلۍ بۍ باپاو پېماو ڕێختەری، بەشۍ جە مەنتېقەکاو سەرنېشتوو کورڎسانی و ۋەرنېشتوو کورڎسانی و تورکېای و سوریایش لەرناوە،جە ئاکامشەنە بە ھەزاران کەسۍ بۍ یانەو مەنزڵۍ بیێۍ و ھەزاران یانۍ و بېناو باڵەخانۍ وڕێنۍ و کاولۍ بیێنۍ و زەرەرۍ فرەی گېانیچش چنە کۊتۆ.

ژمارەو ئا کەسا کە تا ئېسە بە مەڵامەتو بومەلەرزەکەیۊ جە سەرنېشتوو کورڎسانی گېانشا جە دەسدان یاۋان ٢٠ ھەزارۍ و ٣١٨ کەسۍ، ژمارەو زامڎارەکایچ یاۋان ٨٠ ھەزارۍ و ٨٨ کەسۍ.

ھ.ش