سەرسەعبو ئارۆی ئامەدەنە، پۆلیس ناوەندەکاو MED-DER و کتێبخانەو پایزیشا وستێرە و  کەلوپەلەکۍ هەردووە ئەرەمەرزیاکەیشا هۆرۍ شێونێوە و دەسشا سەرو سەڎان کەرەسا پەروەردە، کتێب، گۆڤار و هارد دیسکو کۆمپیوتەرەکارە گێرت.

هەرپاسە پۆلیس هرووژمش کەرڎ سەرو جەمەو هەرەوەزی زۋانی و کولتووری ئانکای جە ناوچەو ڕێزانو ئامەدی کە هەرمانەش وۆرک شۆپی پەروەردەی فرە زۋانی و کولتوورییا و کەلوپەلو ئەرەمەرزیاکەیشا شێونا و دەسشا سەرو هارد دیسکو کۆمپیوتەرەکارە گێرت.

جە چوارچێوەو ئەوەکۊڵیایەکانە سەبارەت بە MED-DER، جەمەو هەرەوەزی ئانکای و کتێبو پایزی، کەسانێوە فرۍ، ڕاوەبەرا MED-DER ی و مامۆسایا پۆلەکا زۋانی کوردی دەسبەسەرۍ کریێنۍ.

تا ئیساتۍ بە پاو ئا زانیارییا کە ئەرەیاۋیێنۍ، ٢٣ کەسۍ دەسبەسەرۍ کریێنۍ. وچیۆ ڕەنگە ژمارەو گیریایا زیاتەر بۆ. ئانەیچ زانیان کە قەرارو کۆبیەیۆ پارێزنەرا چنی موەکیلەکاشا پەی ماوەو ٢٤ سەعاتا قەڎەغە کریان.