دوسلدۆرفەنە ڕۆو مېیاننەتەوەیی ئازادی پەی عەبدوڵا ئۆجالانی ئەنجامدریا
دوسلدۆرفەنە ٦ تیمۍ تۆپەو پەیا کێڵێشا کەرڎە، کتێبەکۍ ڕابەرو گەلوو کوردی عەبدوڵا ئۆجالانی پېسە سەوقاتی بەخشیۍ بە سەرکۆتا خولەکەی.
شارو دوسلدۆرف و ئەڵمانیاینە بۆنەو ڕۆو مېیاننەتەوەیی ئازادی پەی عەبدوڵا ئۆجالانی خولۍ تۆپەو پەیا ئەنجامدریا.
وەڵۍ دەسپنەکەردەو خولەکەینە مەجلیسو گەلوو کوردی جە دوسلدۆرف دەربارەو هەڵمەتەو "ئازادی پەی عەبدوڵا ئۆجالانی، چارەسەری سیاسی پەی پەرسو کوردی" ڕاڤێوە پوختش وست ڕووە.
خولەکە هېزی سەعات ١٧:٠٠پەی٢٠:٠٠ کریاوە و ٦ تیمۍ تۆپەو پەیا بەشدارۍ بێنۍ. کێڵەکۍ جە دووۍ ساحۍ جیاوازێنە لوێڕاوە، بەگرڎی ٨ کێڵۍ ئەنجامدریۍ. تیمو وڵاتو ڕۆژی جە مۆنشگلادباخۆ بەشداریش کەرڎەبۍ پلەی یووەمش بەدەسئارڎ، تیمو چەرمک سپۆری کە جە دۆسلدۆرفۆ بەشداریش کەردەبۍ، پلەی دووەمش بەدەسئارڎ.
کتێبەکۍ ڕابەرو گەلوو کوردی عەبدوڵا ئۆجالانی بە نامەکا "سۆسیالیزم و پەرسو شۆڕشی" و "شۆنەو موخاتەبێوەرە مگێڵو" پېسە سەوقاتی بەخشیا بە سەرکۆتا خولەکەی.
