دەوڵەتوو تورکی دەگایەکاو قەندیلیش بۆردومانێ کەردێ
دەوڵەتوو تورکی بە فڕۆکەی جەنگی بەهەسی دەگایەکاو بناروو قەندیلیشا بۆردومانێ کەردێ.
بە پاو زانیاریی سەرچەمە وێمانەکا دەوڵەتی ئەرەگیروو تورکی سەرسەعبوو ئارۆی دەگایەکاو سورەدێ، ئەنزێ و کرمەسویی بناروو قەندیلیشا بۆردومانێ کەردێنێ.
هامسەرۆکەو شارەوانیی قەندیلی سەروین جەلالە بە ڕۆژنیوزیش ئەرەیاونان: "دەگایەکاو بناروو قەندیلی سەرسەعب زیاتەر جە ١٠ جارێ بۆردومانێ کریێنێ. بۆنەو بۆردومانەکەیوە زەرەرێوە فرەوەروو دەورووبەروو ئا دەگایا کەوتەن، جموجووڵوو فڕۆکەی جەنگی عاسمانوو مەنتێقەکەینە بەردەواما."
