بومەلەرزەکەو سەعاڎ ٠٤:١٧ دەیەقاو سەرسەعبو ھێزی بە ۋەختو دلێنەو سەرنېشتو کورڎسانی و تورکېای، کە چەقەکەش مەنتېقەو بازارجخو مەرەشی بۍ و گوڕەکەش ٨.٧پلۍ بۍ بە پاو پېماو ڕێختەری، کاریگەریۍ فرەش کەرڎ سەرو شارەکا "دیلۊک ،مەلەتی ، عوسمانېە ، ئامەڎ ، ڕحا ، ئەدەنە ، سەمسور ، ھاتای ، کېلېس ، سەرنېشتو ۋەرکۊتو سوریای و چنی چن شارێۋەتەرو سوریای.

سەعاڎ بە سەعاڎ ئامارەو زەرەرە مرۊیی و ماڎیەکا بومەلەرزەکەی زیاتەر بەرز بۊۋە .

 بەپاو ئەرەیاۋناو ۋێڕاۋەبەری ئاژەو کتوپڕو فریاکۊتەو (ئافاد)ی، ژمارەو ئا کەسا کە جە بومەلەرزەکەنە گېانشا جە دەسدان یاۋان ٢ ھەزارۍ و ٩٢١ کەسۍ و ژمارەو زامڎارەکایچ بەرز بېەنۊ پۍ ١٥ ھەزاراو ٨٣٤ کەسا.

ھ.ش