ساڵح ئێزدېن خەڵۊ، ېۊن جە ڕاۋەبەراو" پادۍ " و باسش جە چەمپنە کۊتەکەو مېر حازم تەحسېن بەگ-ی چنی ۋەرپەرساو دۊڵەت و ترکېەی کەرڎو واتش '' قبوڵ نمەکەرېۊ مېر بلۊنە باڵۋێزخانەو ترکېەی و چنېشا کۊبۊۋە ، مەبۊنەېچ چنی ئەردۊغانی کۊبېەېۊ ئەنجام بڎۊ .
ساڵح ئێزدېن خەڵۊ ئەنڎامو مەکتەب سېاسی پارت و ئازاڎی و دېموکراسی ئێزېدېەکا ( پادۍ ) و سەرۊک و لق و پادۍ جە دوھۊلا جە بارەو کۊبېەېۊ مېر تەحسېن بەگ-ی چنی ۋەرپەرسا دۊڵەت و ترکی ئەرەگېری قسێش پۍ ئاژانسەو ھەواڵی فورات (ANF) ی کەرڎ .
ۋەڵۍ گرڎ چێۋێنە باسش جە ھۊرچنېەو مېری جە دلۍ گلێرگەو ئێزېدېنە کەرڎو ۋاتش " بەپاوعورف و ئێزداېەتی ، مېر بە ھۊرچنېەی بۊ بە مېر ، ۋەختۍ مېر فەوتش کەرڎ ، گۊرەو کەش و شەنگال-ی و گۊرەو ۋڵات و شێخ و مەجلېس و ڕۊحانی کۊباۋەو ېۊ جە خانەواڎەو مېری بە مېر ھۊرچنا . حازم تەحسېن بەگ بە صەڎاو ئێزېدېەکاو شەنگالی ھۊرنەچنېا ، بەڵکم بە صەڎاو چن لاېەنێۋە سېاسی ھۊرچنېا ".
خەلۊ ئاماژەش بە سەرداکاو مېر حازم تەحسېن بەگ-ی پۍ ۋڵاتا ئۊروپای و عێراقی کەرڎو ۋاتش " مەبۊنە شازاڎە ھۊشش بشۊ کە کۍ دۊس و کۍ دوژمن و گەلەکەېشا ".
ساڵح ئێزدېن خەڵۊ ئەنڎامو مەکتەب سېاسی پارت و ئازاڎی و دېموکراسی ئێزېدېەکا ( پادۍ ) و سەرۊک و لق و پادۍ جە دوھۊلا ئەرەېاۋناش " ئا قەرارۍ ، کە تائېسە جە دژو گلێرگەو ئێزېدی ئەنجام درېێنۍ فرەېشا جە سەردەمو عوسمانېەکاوە دریێنۍ و فرەو ئا قەرارا جە لاېەن و دۊڵەت و ترکېەېۊ ئەنجام درېێنۍ و ۋاتش " مەبۊنە مېر ئانەش ھۊش بشۊ ، کە عوسمانېەکۍ چن ئێزېدېێ-شا کۊکوش کەرڎێنۍ ، ملوێنان ئێزېدیۍ بێنۍ ۋەلۍ بە مەڵامەت و ھجومو عوسمانېەکاوە ۋەڵۍ بېێنۍ . چا ڕوۊ تا سەردەمو ئەردۊغانی دوژمناېەتی ئێزېدېەکاو دېن و ئێزېدېەکا مکەرۊ ، ئاڎۍ گەرەکشانە ئێمە دلێنە بەرا ، ئانە ېاگۍ قەبوڵ کەرڎەی نېا کە مېر بلۊنە باڵېۊزخانەکاو ترکېەی چنېشا کۊبۊوە ، مەبۊ چنی ئەردۊغانی چەمپنەکۊتەی ئەنجام بڎۊ .
ساڵح ئێزدېن خەڵۊ ئەنڎامو مەکتەب سېاسی پارت و ئازاڎی و دېموکراسی ئێزېدېەکا ( پادۍ ) و سەرۊک و لق و پادۍ جە دوھۊلا سوپاس و ئەڵمانېاېش کەرڎ ، ۋەرو ئانەی کۊکوشی دژ بە گلێرگەو ئێزېدېەکاش بە جېنۊساېد ئەشناسا .
ساڵح ئێزدېن خەڵۊ ئەنڎامو مەکتەب سېاسی پارت و ئازاڎی و دېموکراسی ئێزېدېەکا ( پادۍ ) و سەرۊک و لق و پادۍ جە دوھۊلا داواش جە مېر حازم تەحسېن بەگ-ی کەرڎ ۋێش جە لاېەنە سېاسېەکا نزېک نەکەرۊوە .
ھ.ئ
