دەسەو ڕاۋەبەری گلێرگەو جۋانا بەمەڵامەتو بومەلەرزەکەو کورڎسانېۊ ئەرەیاۋنێۋەش ۋەڵاو کەرڎۊ. جە ئەرەیاۋناکەنە سەرەۋەشی جە کەسوکارو قوربانیا بومەلەرزەکەی و گەلو کورڎسانی کریاو ھومێڎو زوو خاس بېەیۊش پۍ زامڎارەکا واست.

جە ئەرەیاوناکەنە ئامان:" ئەشۊ ئاڕاسیە خاس زانېۊنە کە دۊڵەت گەلو ئێمەش کوشتەن، نەوەک بومەلەرزە"و ۋەرەن ڕوو جۋاناۋە پی جۊرە ئەرەیاۋناش؛" پێسە ئەرکێۋی ۋڵات پارێزی ئەشۊ پاڵو گەلېنە با، ھامبەش و ئێش و ئازارەکاشا با. جەسەرداو سڵێۋەنە چنی گەلەکەیما باو ئەرکەکاشا بە سەرکۊتەیی جابەجۍ کەرا. چا پێناوەنە سەرەتا جۋانۍ زانکۊکا، چنی جۋانا ۋڵات پارێزو کورڎسانی گرڎشا بەبۍ ئانەی چەمەڕا جە دۊڵەتی ئەرەگېری و ئەرەمەرزیا فاشستېەکا با، بە ھەستێۋی وشېاری و ۋڵات پارێزی ڕوۋەکەرانۍ ئا مەنتېقا کە بومەلەرزەکە چنەشانە ڕوۋەشدان و بەشێۋێۋی چالاک سەفەربەرۍ با".

جە ئەرەیاۋناکەنە ئامان، پۍ ئا ئەرکا فرە پەنەوازەن گەل جە ۋەردەمو ڕەحمەتو قڕکەرڎەو دوژمنو کورڎانە نەمەنۊۋە و بە قوەتو ۋێشان گرڎو زەخمەکا ساڕێژکەرانۍ.

دەسەو ڕاۋەبەری گلێرگەو جۋانا باسش چانەی کەرڎ، کەدەسەڵاتەنە فاشېست بە واچەو ڕوۋە داو کارەساتی ۋێڕسکی، ھۊڵ مرۊ ناڕەزایېەکاو گەلی دمایی پنە بارۊو واتش؛" ھەنگام بە ھەنگام گەرەکشا ئی ئاژەیە بە ئاسایی نېشانە بڎۊ، کە ئانەېچ ھەوڵێۋەن پۍ شارتەیۊ ۋەرپەرسیاریەتی ۋێش.

جە دمایی ئەرەیاۋناکەیەنە داوا جە جۋانا کورڎسانی کریا کە سەفەر بەرۍ با، ئەرکو ۋەرھەنگامی ۋێشان جابەجۍ کەراو سەلەمناش کە قەڵێۋە سەرەکی گەلېنۍ.

ھ.ش