گلێرگەو ئیسلامی کورڎەسانی (جیک) ئاماژەش پانەیە کەرڎ کە بەشداربیەی جە فێستیڤاڵی کولتوری کورڎینە کە گۆرەتەرین گلێرۆبیەی کوردان جە ئۆروپانە، ئەرک و پەنەوازیا پەی خاوەنداریکەرڎەی جە ئازاڎیی و بەهای کولتوری.
گلێرگەو ئیسلامی کورڎەسانی بە ئەرەیاۋنێوە نویسیا بانگەوازش پەی بەشداربیەی جە ٣٢ـەمین فیستیڤاڵی کولتوری کوردانە کەرڎ کە جە ٢١و ئەیلولی جە شارو فرانکفۆرتو ئەڵمانیای ئەنجام مڎریۆ و واتش: "پەنەوازا ئی فیستیڤاڵە پەی نزیککەردەیۆ کولتورو کوردا جە یۆترینی و مردایۆ جە دژو هرووژمەکا سەرو کولتورو کوردا بۆ بە گلێرۆبیەیۍ گۆرە."
هەر جە ئەرەیاۋناکەینە ئاماژە پانەی کریان پەنەوازا گرڎوو کوردا ئۆروپای بەشداری فێستیڤاڵەکەی بکەرا و ماچۆ: "پەی خاوەنداریکەرڎەی جە بەها کولتورییەکا گرڎما چا ڕووەنە کوۍ بیمێوە. هەر دەنگێوە کە چنی دادپەرەوەری خوڎای و یەکسانی گەلا و شکۆمەنڎی کۆشش پەی ئازاڎیی یۊی مگێرۆوە. ناڕەزاین ۋەرا ۋەر بە دڕندەی و نادادپەرەوەری. فێستیڤاڵەکە دەرفەتێوە گۆرەن پەی خاوەنداریکەردەی جە بەهاکاما. بەیدۍ پێوەرە بە هیواو ئاشتی، دادپەرەوەری و ئازاڎیی جە مېڎانوو فیستیڤاڵەکەینە کوۍ بیمێوە."
