گۆشەگیری رۆمانە شەرمەزارکریا
جە رۆماو پایتەختو ئیتالیاینە ئەنداماو کۆمیتەو ژنۆلۆژی ئیتالیای و فرێنتا مورگیرا، پەی ئازادیی رابەرو گەلوو کوردی عەبدوڵا ئۆجالانی و چارەسەری پەرسو کوردی ۋێنیشاندایێشا سازکەرد.
بە دیمەن
جە کاتو ۋێنیشانداکەو ٥و تشرینو یووەمینە فرێنتا مورگیرۍ ۋەردەمو داهۆڵی و هۆرپڕای و سەماینە بڕۍ گۆرانیۍ گۆریێنە پەیامی سیاسیش ئەرەیاۋنا.
جە چالاکییەکەنە هەرپاسە پۆستەرۍ بە نامونیشانو ' ئازادی پەی عەبدوڵا ئۆجالانی، چارەسەری سیاسی پەی پەرسو کورد'ی بەخشیێوە.
جە پۆستەرەکانە داوا جە ئەنجومەنو ئەوروپای، کۆمیتەو ڕاگێرتەی جە ئەشکەنجەی (سی پی تی) و رێکوزیا مېیاننەتەوەییەکا بوارو یاسای کریا کە مافەکاو عەبدوڵا ئۆجالانی مسۆگەر و دەسەبەر بکەرا.
ئانەیچ وزیاڕووە کە ئاستەیۆ عەبدوڵا ئۆجالانی پەی ماوەو ٢٥ ساڵا دلۍ گۆشەگیری ئیمراڵینە دژو مافەکا مرۆڤی و یاسا مېیاننەتەوەییەکان.
هەرپاسە ئاماژە بە دەوری یەکلاکەرەوەو ئۆجالانی جە چارەسەری پەرسو کوردینە کریا و ئانە وزیا ڕووە کە ئازاڎکەردەی ئۆجالانی دمایی بە جەنگی جە ۋەرکۊتوو مېیامینینە مارۆ.
چالاکیەکە بە ۋەنایۆ چن بەشێوە کتێبەکاو عەبدوڵا ئۆجالانی دمایش ئاما.
