پەرلەمانتارەو پارتو یەکسانی و دیموکراسی گەلا (دەم پارتی) جە بازنەو وانی، گولدەرەن ڤارلیە سەبارەت بە سیاسەتەکاو جەنگی تایبەتی بە بەکار‌ئاوردەی مادەی هۆشبەری کە جە لایەنو دۆڵەتیوە جە وان ڕاوەبەرمکریۆ قسێش کەردۍ و ئاماژەش پانەی دا کە عەیامێوەن گەلوو کوردی جە دژوو سیاسەتو نکۆڵیکەردەی و دلېنەبەردەی ئینا ئەرەکۊشاینە و واتش: "ئی ئەرەکۊشایە جە گرڎ سەردەمێوەنە بیەن. جە گرڎ مېڎانە مېیاننەتەوەییەکانە ۋینیا کە ئەرەکۊشای گەلوو کوردی ئەرەکۊشایۍ ڕەوا و مافدارا."

'گۆشەگیری ئیمراڵی کاریگەریش سەرو گلېرگەی نیانەرە'

جە قسەکاشەنە گولدەرنە ئاماژەش بە سیاسەتو دۆڵەتی دژ بە کولتوور و زۋانی کوردی کەرڎو واتش: "گەلوو کوردیشا ناچار بە ژیۋای شاری کەردەن، بە نامۍ هەرێمو ئەمنیەتیۆ گرڎ جۆرە جەنگێوە تاونایۆ و نکۆڵیکەردەی ۋەرا ۋەر بە گەلوو کوردی مکەرا. جە شارە کوردییەکانە بە سیستەمو جەردەوانی و  تنوتیژی پیای-دەوڵەتیوە سیاسەتێوە پیس جە دژو داینامیکی گلېرگەی ڕاوەبەر مکریۆ و ئینەیچ ڕاش ۋەردەموو کارەساتی کۆمەڵایەتینە کەردەنۆ. ئا گۆشەگیرییەی سەرو بەڕێز عەبدوڵا ئۆجالانیرە سەپیان کاریگەریش سەرو کایە و بوارەکا ژیۋای کۆمەڵایەتی نیانەرە. هەوڵمڎا گەلی بە ڕێکوستەکریای جە یۆترینی هۆرشێوناوە. هەر پۊکەی گەل جە دژو سیاسەتە هۆرشێونیەکا دەسەڵاتداری خاوەنداریش جە ئیراڎەو ۋێش کەرڎ، نمونەو ئانەیچما دی جە شارەوانی شارە کوردییەکانە."

'هەوڵو دووروستەیۆ جوانا مڎا جە سیاسەتی'

ئا پەلەمانتارۍ ئاماژەش پانەی دا ئانۍ ورەشیارۍ و وەڵاکەرەوۍ مادەی هۆشبەرینۍ گرڎ عیلاقەشا بە دەسەڵاتیۆ هەن، چی دماییەنە کەسێوە جە ترۆمبێلەکەشەنە مادەی هۆشبەر گیریان ئەفسەرێوە پسپۆرو دەسەڵاتین. ئی کارێچە گرڎ پەی دووروستەیۆ جوانانۍ جە بەها کۆمەڵایەتییەکا. گولدەرەنە ئانەش دەسنیشانکەرد کە سیاسەتێوە دژمنکارانەی تایبەت جە دژو ژەنا ڕاوەبەر مکریۆ، دەورو دەسەڵاتیما دی جە کارەساتو کوشتەی نارین گورانێنە، کە چنی هەوڵشدا پەی شارتەیۆ سیاسەتەکاو پیاسالاری چڼین پروپاگەڼێش جە دژو ئەڎاو نارینۍ پەرەپنەدۍ. ئاماژەیچش پانەی دا؛ سیاسەتو بێ سزا ئاستەیۆ یاگۍ قبوڵکەردەی نیا.

'هەڕەشۍ و مامەڵە بە ماتە وزەو جواناوە مکریۆ'

جە دمادمایی قسەکاشەنە گولدەرەنە ئاماژەش پانەی کەرڎ دەسەڵات سەرەڕاو ئانەی جە شارە کوردییەکانە جە دژو بەکار‌ئاردەی مادەی هۆشبەری هیچ هەنگامێوە نمەگێرۆنە ۋەر، ئینا هەوڵو ئانەینە ئینەی پېسە هەڕەشۍ و مامەڵەی بە ماتە وزەو جواناوە بەکاربارۆ و واتش: "گرڎ کاتێ دژو ئا سیاسەتەینمۍ کە دژو بەهاکاو گەلی ڕاوەبەرمکریا. سیاسەتو فشاری، گێرتەی و تنوتیژی کە دژو جوانا ڕاوەبەرمکریۆ و هەوڵو دوروستەیۆیشا مڎریۆ جە مېڎانەکا سیاسەتی. ئا میکانزمە سیاسییە گرڎ کاتێ شکسش واردەن و حەجگیز سەرکۆتە نمەبۆ. چی ڕوانگۆ ئەرەیاۋنای ئازاد دەورێوە تاریخی مگێڵنۆ جە ئاشکراکەردەی ئا سیاسەتە پیساو دەسەڵاتی. هەر پۊکەی بانۍ بە مەرامو سیاسەتی دووژمنکارانەی."