چالاکا ئینترناسیۆناڵیست سەربە گێمەینسام کامپفامی، ومێن دیفێد ۋەرنیشت و کۆمۆنەکا جوانە ژەنا، بە چالاکی ئاردەینەی و ناڕەزایەتی، گفتوگۆ و پێرفۆرمانسی هونەری جە شارو هانوڤەرو ئەڵمانیای بەشداریشا جە حەفتەو چالاکییە مېیاننەتەوەییەکانە کەرد. یۆ جە چالاکییە گرنگەکاو حەفتەکەی پێرفۆرمانسو شانۆیی "٧ تاوانی جە دژو مرۆڤایەتی-ئۆدیسەو عەبدوڵا ئۆجالان"یا جە ٩و تشرینو یوەمی نمایش مکریۆ.

١و تشرینو یوەمی هانوڤەرەنە بڕۍ ژەنۍ سەرو بانگەوازو "ومێن دیفێند رۆژئاوا"ی پەی ئانەی سەرنج وزا سەرو گۆشەگیری رەهاو سەرو رابەرو گەلوو کوردی عەبدوڵا ئۆجالانی، جە ناوەندو شارو هانوڤەرینە چالاکیێوەشا سازکەرد.

٢ۍ تشرینو یوەمی، لایەنە چەپەکۍ، پەی سەرنج وستەی سەرو ئاژەو رابەرو گەلوو کوردی عەبدوڵا ئۆجالانی، سەرو پێرسپێکتیڤەکا گفتوگۆشا سازکەرد و دماتەر نامیلکێ و وەڵاکریاوۍ بەشۍ کەردۍ.

٣ۍ تشرینو یوەمی ڕۆو یۆبیەی ئەڵمانیای، چالاکا ئینتەرناسیۆناڵیستی هانوڤەرەنە جە مېڎانوو ماشزی چالاکیێوەشا سازکەرد. چا چالاکیەنە میزەڵانی سەرو زاوڵارە بەخشیێوە و وەڵا کراوۍ جە بارەو "نەتەوەی دیموکراتیک"ی سەرو گۆرەکارە بەشۍ کریۍ. سەرو میزەڵانەکاوە وێنەو رابەرو گەلوو کوردی عەبدوڵا ئۆجالانی نەخشیۍ بێنۍ.

٤و تشرینو یوەمی چالاکا ئینترناسیۆناڵیستی سەر بە کۆمۆنو "گیمەینسام کامپفەن"ی و "ومێن دیفێند رۆژئاوا"ی بە هامبەشی چنی هامپەشتی سور (Rote Hilfe)ی و چالاکا ئێرانی جە ماشیزی هانوڤەری دیڎارشا سازکەرد. ژەنی پێوەرە بە کورسیەکاشا بازنێوەشا ساز کەرد و باسشا جە زیندانیا سیاسی و رابەرو گەلوو کوردی عەبدوڵا ئۆجالانی کەرد.