ناوەندو ئەرەیاۋنای و چاپەمەنی هێزەکاو پارېزنای گەلی (هەپەگە)ی بە ئەرەیاۋنێوە وستەیرەوارو دووۍ درۆنا سوپاو دۆڵەتو تورکی ئەرەگیریش جە لایەنو گەریلاکاو ئازاڎیی کورڎەسانیوە ئەرەیاۋنا.

ئەرەیاۋناکەو هەپەگەی پی جۆرەنە:

" هەرێمو گەشمەرڎە دەلیلی جە ۋەرنیشتوو زاپی؛

٢٥ و ئەیلولی سەعات ١٣:٤٠ دەیەقۍ جە مېڎانوو مڎرامانوو کەشو جودینە بە چەکی قورس گورزە جە ئەرەگیرا شنیا.

٢٥ و ٢٦ و ئەیلولی جە مېڎانوو مڎرامانوو کەشو ئامێدینە بە چەکی قورس گورزە جە ئەرەگیرا شنیا.

٢٦  و ئەیلولی سەعات ١٥:١٥ دەیەقۍ جە مېڎانوو مڎرامانوو کەشو ئامێدینە جە دژوو ئەرەگیرا کە جە هەوڵو یاگەگیرکەرڎەی تەکنیکو جەنگینە بێنۍ، بە چەکی نیم-ئۆتۆماتیک چالاکی ئەنجامدریا. چالاکیەکە جە لایەنو هێزەکاو یەژا ستاریماوە ئەنجامدریا.

 ٢٦ و ئەیلولی سەعات ١١:٣٠ و ١٤:٠٠ دەیەقۍ جە مېڎانوو مڎرامانوو کەشو وەهاری بە چەکی قورس ۋنەو حەفارێوە ئەرەگیرا دریا کە هەوڵو وەشکەرڎەی ئامانجی سەروازیش بۍ. چالاکیەکە جە لایەنو هێزەکاو یەژا ستاریماوە ئەنجامدریا.

هەرێمو مەتینای؛

٢٦ و ئەیلولی سەعات ١٣:٠٠ جە مېڎانوو مڎرامانوو شێلازێنە ٢ درۆنۍ سوپاو ئەرەگیری جە لایەنو هێزەکاماوە وزیێرە واری، جە ئاکامەنە ، درۆنێوەشا بە تەمامی دلێنەبریا و درۆنەکەی تەرشا بە تەقەمەنییەکاشۆ دەسش سەرەرە گیریا.

هەرێمو خواکوڕکی؛

٢٦ و ئەیلولی سەعات ٠٧:٠٠ جە مېڎانوو مڎرامانوو کەشو گەشمەرڎە هێمنی بە چەکی قورس گورزە جە ئەرەگیرا شنیا.

هرووژمەکۍ سوپاو تورکی ئەرەگیری بە تەقەمەنی قەڎەغەکریای؛

٢٤ و ٢٦و ئەیلولی هەرێموو گەشمەرڎە دەلیلی جە ۋەرنیشتوو زاپینە مەڕە جەنگیەکێما جە مېڎانوو مڎرامانوو کەشو جودی ٥ جارۍ بە تەقەمەنی قەڎەغەکریا بۆردوومانکریۍ.

٢٥و ئەیلولی هەرێموو گەشمەرڎە دەلیلی جە ۋەرنیشتوو زاپی مەڕە جەنگیەکێما جە مېڎانوو مڎرامانوو کەشو ئامێدینە جارێوە بە تەقەمەنی قەڎەغەکریا بۆمبۋاران کریۍ.

٢٦ ئەیلولی هەرێموو گەشمەرڎە دەلیلی جە ۋەرنیشتوو زاپی مەڕە جەنگیەکێما جە مېڎانوو مڎرامانوو کەشو ئیف ئێمینە جارێوە بە تەقەمەنی قەڎەغەکریا بۆمبۋاران کریۍ.

هرووژمەکۍ سوپاو تورکی ئەرەگیری؛

٢٤، ٢٥ و ٢٦و ئەیلولی جە هەرێمو خواکوڕکی؛ مېڎانوو مڎرامانوو کەشو گەشمەرڎە هاواری، لۆلان، کەشو قەلەی، سنین، بەربزنە، کەشو مەسکانی و کەندەکۆلان ١٠ جارۍ، هەرێمو گارەینە مېڎانەکۍ قەنارەی، شیێ، گەرێ، مام نێچیر، دێڕەشە، ئاوتەحلێ، کانی سارکێ ١١ جارۍ، هەرێموو گەشمەرڎە دەلیلی جە ۋەرنیشتوو زاپی؛ مېڎانەکۍ مڎرامانوو کەشو جودی، کەشو وەهاری، کەشو ئامێدی ٥ جارۍ؛ بە گرڎی ٢٦ جارۍ بە فرۆکەی جەنگی بۆردوومانکریۍ.

٢٤، ٢٥ و ٢٧و ئەیلولی جە هەرێمو خواکوڕکینە؛ مېڎانەکۍ مڎرامانوو لۆلانی، گەشمەرڎە شەریف ٣ جارۍ، هەرێموو گەشمەرڎە دەلیلی جە ۋەرنیشتوو زاپی؛ مېڎانەکۍ مڎرامانوو کەشو ۋەهاری، کەشو ئێف ئێمی ٨ جارۍ؛ بە گرڎی ١٤ جارۍ بە هەلیکۆپتەری جەنگی بۆمبۋارانۍ کریۍ."