هەپەگە ئەندامو کۆمیتەو ناوەندی پەکەکەی و فەرماندەو ئەکادیمیاو ئاپۆلۆی، دێرسیم نورحەقش یاڎ کەرڎۆ و واتش: "ئەرەکۊشای پەڕ داستان و شۆڕشگێڵنی قارەمانانەو هەمڕا دێرسیمی هەمیشە نموونێوە زیڼە مەبۆ پەی جوانا کوردی و گەلەکەیما."
ئەرەیاۋناکەو ناوەندو ئەرەیاۋنای و چاپەمەنی هەپەگەی دەربارەو یاڎ کەردەیۆ فەرماندە نورحەق دێرسیمی پی جۆرەنە:
"ئەندامو کۆمیتەو ناوەندی پەکەکەی و فەرماندەو ئەکادیمیاو ئاپۆلۆی دێرسیم نورحەق جە ١و تشرینو یووەمو ٢٠٢١ینە جە ئاکامو هرووژمۍ دژژمنینە پەی سەرو هەرێموو پارېزنای مەدیای گەشمەرڎە بی. جە ساڵوەگەڕو شەهادەتو فەرماندەی سەرمەشقو پارتەکەیمانە (پەکەکە)ی بە ڕێز و پنەزانایۆ فەرماندە دێرسم نورحەقی یاڎ مکەرمېوە و قەولو زیڼە ڕاگیرتەو یاڎکەردەیۆیش واوەی مکەرمێوە.
هەمڕاما دێرسیم کە بە باوەڕی و ئەنەیاوایۍ قەوەتۆ بەشدارو دلۍ ئەرەکۊشای ئازادیما بی، کە بە سەرمەشقی ڕابەر ئاپۆی دەسشپنەکریا، ماڕاو هرووژمە قڕکارییەکا سەرو گەلەکەیمایش بە مەرامو ۋێش زانا و جە تەمامو ژیۋایشەنە سەرو هەڵوێسو ۋێش بەردەوام بی. پەی ئانەیچ بە شێوێوە فیداکاری بەشداریش جە ژیۋای و جەنگینە کەرڎ ، گرڎ کاتۍ جە ۋۍ پەروەردەکەردەینە بۍ و ۋێش بەڕێکوستەی کەرد.
بە زېڵێوە پەڕ جە حەقکەردەیۆ، ژیۋای فیدایی ئاپۆییش کەرڎ بە مەرامو ۋێش و پیمەرو بناغەو ژیۋای ئەرەکۊشایش. بی بە یۆ جە فەرماندە قارەمانەکا، پېسە جەنگاوەرێوە فیدایی ئاپۆیی و دەروێشێوە سەردەمی نامۍ ۋێش جە تاریخو ئەرەکۊشای ئازادیمانە نوویستۆ. جە ٣١ ساڵەی ژیۋای پەڕ جە ئەرەکۊشایشەنە جە گرڎو بەشەکا کورڎەسانینە؛ جە پانیشتۆ پەی ۋەرنیشتی تا بیاوۆ دێرسیم، جە سەرحەدۆ تا بیاوۆ بە عەفرین، جە خواکوڕکۆ تا زاپ و قەندیل و چنین گۆرەشارۍ تورکیای جە مېڎانۍ ۋەرفراوانەنە ئەرەکۊشا. پېسە شاگرد و مامۆسێوە ژیری ئایدۆلۆژیاو ئاپۆیی جە چنین سەرکۊتەینە بەشداربۍ.
هەمڕاما دێرسیم بە کەسایەتی دروس و دەروێشانەیشۆ جە زېڵۍ هەمڕایا و گەلەکەیمانە یاگۍ ۋێش گێرت، بە قوڵاییۆ جە ڕێبازو کاری ئاپۆیینە مۆرەو ۋێش جە چڼین سەرکۆتەی دا و پەی ئاماڎەکەردەی بناغەو ئەرەکۊشای کۊششی فیداکارییانەی فرەش کەرڎ. پی جۆرە بی بە شۆڕشگێڵنێوە سەردەمی و جە گرڎ ئاژێوەنە ۋەرپەرسی تاریخیش گێرت ئەستۆ. وەشەسیای و دڵسۆزیش پەی ڕابەر ئاپۆی و هەڤاڵاش وەڵۍ گرڎ چێوێنە بۍ. بی بە پارێزنەرێوە قەوەتو پیمەرەکا هەمڕایی دلۍ ژیۋای پەکەکەی. پی کۆشش و ڕەنجکێشایشۆ بی بە لایەقو ئەندامو کۆمیتەی ناوەندی پەکەکەی.
پېسە هەمڕاو چەنگەوانا ئاڎیی، جە ساڵوەگەڕو گەشمەرڎەبیەو دێرسیم نورحەقی هەمڕایمانە جارێوەتەر بە ڕێز و پنەزانایۆ یاڎش مکەرمێوە. سەرساغی ۋێما پەی بنەیانەی وڵاتپارێزنو هەمڕایما و گرڎو گەلی وڵاتپارێزیما موازمۍ. قەول مڎەیمۍ مەرامو کورڎةسانی ئازاڎی و سۆسیالیستی و سەربەخۆی بیاونمۍ بە مەنزڵ، کە ئاواتو فەرماندەی هەمڕایما دێرسیم نورحەقی بۍ.
زانیاریی دەربارەو هەمڕا دێرسیم نورحەقی پی جۊرەنە:
ناسنامۍ: دێرسیم نورحەق
نامۍ و دما نامۍ: عیزەدین ئینان
شۊنەماو جە ئەڎابیەی: مەلەتی
نامۍ ئەڎۍ و نامۍ تاتەی: جەنەت- حەسەن
کات و شۊنەماو گەشمەرڎەبیەی: ١و تشرینو یووەمو ٢٠٢١/ هەرێمەکاو پارېزنای مەدیای."
