هەپەگە ئشناسنامەو ٢ گەشمەرڎاش ئاشکرا کەرڎ
هەپەگە ئشناسنامەو ٢ گەریلایاش ئاشکرا کەرڎ کە گارەنە گەشمەرڎۍ بیێنۍ و ئەرەیاۋناش: "هەمڕێما هۆگر و مەزڵوم بە هەڵوێسو ۋێشا جە ژیۋای و ئەرەکۊشاینە بیۍ بە گەریلۍ ئازاڎیی نموونەو ڕێبازی ئاپۆیی."
پەیامەکەو مېیانو ئەرەیاۋنای و چاپەمەنی هێزەکا پارێزنای گەلی (هەپەگە) پی جۆرەنە:
" ٦و ئەیلولو ٢٠٢٣، هەڤاڵەکێما هوگر پیرۆسی و مەزڵوم پارتیزان جە هرووژمێوە دژمنینە جە هەرێمو گارەینە گەشمەرڎۍ بیۍ.
هەمڕێما هۆگر و مەزڵوم کە ڕۆڵۍ قارەمانۍ گەلو کورڎەسانی بێنۍ، ۋەرا ۋەر بە ئازاڎی گەلەکەیشا ۋێشا بە ۋەرپەرس زانا و پا مەرامەیچۆ دەسشا بە ئەرەکۊشایۍ سەرەمڕەی کەرڎ و بە ۋێڕاگری و ڕۆحو مڎرامانیوە جە ژیۋای و ئەرەکۊشاینە بیۍ بە گەریلێوە نموونەیی ئازاڎیی ڕێبازو ئاپۆیی.
هەمڕێما هۆگر و مەزڵوم، جە بوارە جیا جیاکا ئەرەکۊشای ئازاڎیمانە ئەرەکۊشایۍ گرنگشا ئەنجامدا، بە کەسایەتی و ئەرەکۊشای فیداییانەو ۋێشا جە ژیۋاینە بەرجەسە کەرڎ. بە کۊشش و ئەرکەکاشا جە گرڎ بوارێنە و جە هەر کارێنە جگە جە سەرکۊتەی هیچ ڕێوەتەرەشا هۊرنەچنیە. هەمڕێما هۆگر و مەزڵوم، کەسایەتی ڕاسگۆ، ساڎە و ئەنەیاوایی ۋێشا تێکەڵ بە فەلسەفەو ئازاڎیی کەرڎ، جە هەر قۆناغێوە گەشتەکەیشانە شۊنەو حەقیقەتیرە، ۋێشا چنی مەرامەکەیشا یۆگێرتە و هامدەنگ کەرڎ و چالاکانە بیۍ بە حەقیقەتو ژیۋای و ئەرەکۊشای.
سەرەتا پەرسەو سەرەوەشی ۋێما ئاراسەو بنەیانەی قەڎر گرانو هەمڕایاما هۆگری و مەزڵومی مکەرمۍ کە ئی کۊششکارێشا پێشکەش بە ڕێبازو ئازاڎیوازانەو گەلەکەیما کەرڎۍ، هەرپاسە پەرسەو سەرەوەشی ۋێما ئاراسەو گەلی وڵاتپارێزنو کورڎەسانی مکەرمۍ.
زانیاری سەرو ئشناسنامەو هەمڕا گەش مەرڎەکاما پی جۆرەنە:
ناسنامۍ / هۆگر پیرۆسی
نامۍ و دما نامۍ / خەلیل یگیت
شۊنەماو جە ئەڎابیەی / شڕنەخ
نامۍ ئەڎۍ و نامۍ تاتەی / زولفویە-حەسەن
شۊنەماو کاتو گەشمەرڎەبیەی / ٦و ئەیلوولو ٢٠٢٣ / گارە
*****
ناسنامۍ / مەزڵوم پارتیزان
نامۍ و دما نامۍ / محەممەد ڕەشید
شۊنەماو جە ئەڎابیەی / عەفرین
نامۍ ئەڎۍ و نامۍ تاتەی / نەریمانە- سەیدۆ
شۊنەماو کاتو گەشمەرڎەبیەی / ٦و ئەیلوولو ٢٠٢٣ / گارە
