هەپەگە ئشناسنامەو گەریلایێش ئاشکرا کەرڎ
هەپەگە ئەرەیاۋناش کە گەریلۍ یەژاستاری ئەزدا عیسیانە گەشمەرڎۍ بیێنە و ئەرەیاۋناش، "بە گیانبازی و هەوڵ و مانییاییەکا ژیۋای ۋێش سەرو بنەماو جەوهەری گەریلایەتیش پەی ۋێش بە بنەما گێرت".
بە دیمەن
ئەرەیاۋناو ناوەڼو ئەرەیاۋنای و چاپەمەنی هەپەگەی پی جۆرەنە:
"ژەنەی قارەمانەو گەلەکەیما جە وان و جەنگاوەرەی بەقیمەتە هەمڕێما ئەزدا عیسیانە جە مانگەو نۆرۆز(جەنیوەری) ٢٠٢٤ ی جە بۆتانەنە گەشمەرڎۍ بیە.
هەمڕێما ئەزدا عیسیانە قیمەتۍ گۆرەش بە هەر ساتێوە ژیۋای گەریلایی بەخشا، کە پېسە جە ئەڎابیەیۆ پێناسەش کەرۍ و بیە بە خاوەن بەشداریێوە چالاک، بە کەسایەتی گیانبازی و نەمانیایی ۋێش بەزیڼەیی ڕاگێرتەو جەوهەری گەریلایەتیش بە بنەما گێرت. هەمڕێما ئەزدا عیسیانە کە بە زانابیەیش ماناو گەریلایی پەی گەلەکەیماو گرڎ کاتۍ گەرەکش بۍ بۆ بە خاوەن ئەرەکۊشایۍ هەرە گۆرە و کاریگەرە، پەی ئانەیچ جە فرەو مېڎانەکا ئەرەکۊشاینە بەشدارە بۍ. هەمڕێما ئەزدا عیسیانە کە توڕەیی ناخو ۋێش جە ۋەرا ۋەرو دژمنینە کەرڎ بە پاڵنەرێوە بنچینەیی وەڵێکۊتەو ۋێش، گرڎ دەرفەتێوەش بە شێوێوە عال هۆرسەنگنا و گەرەکش بۍ لایەق پا هەمڕایاشە بۆ کە یاردیدەرۍ بێنۍ جە وەڵێوستەی گەلی و خودو ئاڎێنە. پېسە گەریلێوە یەژاستاری بە ئیرادەو ۋێشۆ دژوارتەرین قۆناغەکاو ئەرەکۆشایش بەشێوێوە سەرکۆتانە ۋییەرنۍ و بیە بە جەنگەوانێوە ئازادی کە یاگۍ وەشەسیایی و رێزو گرڎو هەمڕایاش بۍ.
*****
زانیاری سەرو ئشناسنامەو هەمڕا ئەزدا عیسیانۍ پی جۆرەنە:
ناسنامۍ: ئەزدا عیسیانە
نامۍ و دمانامۍ: گەورێ سەمۆ
شۆنەماو جە ئەڎابیەی: وان
نامۍ ئەڎۍ و نامۍ تاتەی: بەهیجان- شەفیق
شۊنەماو کاتوو گةشمەرڎەبیەی: نۆرۆزو ٢٠٢٤/ بۆتان
