ناوەندوو ئەرەیاونای و چاپەمەنیی هەپەگەی واتشا، "جە چالاکیی هێزەکامانە جە زاپ داگیرکەرێوە بە سزاو وێش یاوا. سپاو تورکی ئەرەگیری جارۍ بە بۊمبی قەڎەغەکریا و ٧ جار بە چەکی کیمیاوی و دەیان جار بە تۊپۍ و تانکۍ و هاوەنۍ و چەکی قورس، سەنگەرەکاو بەرخۊدانوو گەریلایشا تۊپواران کەردۍ".

زانیاریی سەروو چالاکی و هجوومەکا:

"جە چوارچوەو هەڵمەتوو شۊڕشگێڵنیی هەڵۊکاو زاگرۊسی جە زاپنە؛

جە ١٣ کانوونوو دووەمی و جە سەعات ١١:٥٠ بۊ ١٢:٥٠ تیمە گێڵێکۍ  نزیکوو مەحاڵوو چەمچۊینە جە سنووروو شێلادزۍ سەر بە ئامێدینە دووۍ جارۍ بە چەکی قورس جە ئەرەگیراشا دا. هێزەکێما چا چالاکییەنە ئەرەگیرێشا بە سزاو وێش یاونا.

هجووموو سپاو تورکی ئەرەگیری بە بۊمبی قەڎەغەکریا و چەکی قورس؛

لە ١٣ کانوونوو دووەمینە سەنگەرەکاو بەرخۊدانوو گەریلای جە نزیکوو مەحاڵوو چەمچۊینە جە سنووروو شیلادزۍ سەر ئامێدی، جە بەیانیوە تا وێرەگا جارۍ بە بۊمبی قەدەغەکریا و ٧ جارێچ بە چەکی کیمیاوی بۊردومان کریۍ.

هێرشەکاو سپاو تورکی ئەرەگێری؛

جە ١٣ کانوونی دووەمی مەحاڵوو ئاوەو لۊلانی جە خواکوڕک  تەیارە جەنگییەکا بۊردومان کەرد.

جە  ١٣کانوونوو دووەمی، جە مەحاڵوو دۊڵەو لۊلانی و کەشوو گەشمەرڎە کامەرانی جە خواکوڕک، مەحاڵوو بەرخۊدانوو کەشوو ئێف ئێمی و سەنگەرەکاو بەرخۊدانوو گەریلای جە نزیکوو دەگاو سیدای و چەمچۊو سەر بە شیلادزێی ئامێدی، دەیان جارێ بە تۊپۍ، هاوەنۍ و چەکی قورس بۊردومان کریا".

ژ.ت