ئەرەیاویا جە ئجامو هرووژم و سوپاو ئیسرائیلینە لانیکەم ١٨ کەسێ جە کاتو چەمەڕای کەردەی هورگێرتە و هامکاری واردەینە، جە خاڵێک نزیک دەروازەو نەتزارمی جە ناوەندو غەززەینە کوشیێنێ.

بە پاو ئەرەیاونا و وەزارەتو تەندروسی غەززەی، سوپاو ئیسرائیلی ئا کەسێ وەردەمو مییانو دابەشکەردەی و چێرو چەمدێری ئەرەمەزنارە و مییاننەتەوەیینە گلێرێ بیێنێوە، گولـلەواران کەردێنێ و جە ئەنجامەنە ١٨کەسێ کوشیێنێ.

بە پاو گەواهیدەرەکا کە جە کاتو ڕووەداکەینە ئامادێ بیێنێ، ئاماژەشا پانەی دا سەدان مەدەنیێ بە ئامانجو هورگێرتە و هامکاری جە سەرسەعبۆ گلێرێ بیێنێوە. هەرپاسە ئیسرائیل ئا مەدەنیێ کە چەمەڕاو هورگێرتە و هامکارینە بێنێ، گولـلەوارانێش کەردێ.

مییانو ئەرەیاونا و فەلەستینی سەر و ئا پەرسێ ئەرەیاوناش: "تیمەکێ خەسەخانە و ئەلقودسی جە بەیانیۆ ١٢ گەشمەرڏێ و ١٢٤ زامڏارێشا هورگێرتێنێ."

سوپاو ئیسرائیلی دماو تێکشییە و قۆناغو یوەم و ڕێککەوتە ئایێر بەستەکەی، گەمارۆی تنش سەر و غەززەیرە سەپنان. جە ئەنجامەنە دۆخێوە مرۆیی ترسناک ئینا ئارانە، کە واردە و دەرمان فرە کەم بییەنۆ.