دۊڵەتو ترکی ئەرەگېری ھامۋەخت چنی ۋەردەوامی زەرەرە گېانی و ماڎیەکا بومەلەرزەکەی بۊمب ۋاران و تل ڕەفعەت و شەھبایش کەرڎ. جە ئاکامەنە پېێۋە ڕیش چەرمە کوشیا، کە دماو بومەلەرزەکەی جە شارو حەلەبیۊ ڕوۋەش کەرڎێبۍ مەنتېقەو شەھبای.
دۊڵەتو ترکی ئەرەگېری دلۍ کارەساتو بومەلەرزەېنە مەنتېقەو تل ڕەفعەت و شەھبایش تۊپ ۋاران کەرڎ.
جە ئاکامو ئا تۊپ ۋاراینە یوسف عەبدی عومر ٧٠ ساڵ گېانش جە دەسدا. پېێۋە تەری سەرو ڕیش چەرمە بەنامۍ شێخ تەھا عەبدولفەتاح-ی زامڎار بی.
یوسف عەبدی خەڵکو شارو حەلەبی بۍ کەدماو ڕوۋە داو بومەلەرزەکەیۊ پەناش پۍ مەنتېقەو شەھبای ئاردەبۍ.
ئەرەیاۋیېا کە تۊپ ۋارانو سوپاو ترکی پۍ سەرو ھەرێمو شەھبای تا ئیسەیچ ۋەردەوامېش ھەن.
ھ.ش
