دانا جەلال ، ېۊ جە سەرپەرشتاو پڕۊژەکەی بە ڕۊژ نېوزیش ۋات : جە چۋارچێۋەو پڕۊژێۋە ھامبەش و ڕێکوزېاو " سېدېئۊ " ی و ڕێکوزېاو " پاسەوان "ی کە جە لاېەن و ئاژانسەو ژەنا مېان نەتەۋە ېۊگێرتەکاوە ھامکاری کرېۊ تاېبەت بە قەرارو ١٣٢٥ بەشڎاری ژەنا جە مەنتېقە کورڎسانېەکاو بەرو ھەرێمو کورڎسانی جە ناۋەنڎەکاو قەرارینە ئەنجام درېا .

ئاماژەش پانەی کەرڎ ، کە ئی کۊنېشتە ېۊن چا چالاکېا کە جە چۋارچێۋەو پڕۊژەکەېنە ئەنجام مڎرېۊ ، جە ماوەو چن مانگا ۋېەرڎەېنە دەسما پنە کەرڎەن ، چالاکېەکێما پێک ئامێنۍ جە ڕائاورڎەو ڕێکوزېاکاو ۋەشکەرڎەو ھەشت گروپۍ ۋۍ بەخشۍ جە کەرکوک و دوبز و داقوق .

باسش چانەېچ کەرڎ ، جە دماو ئی پرۊسەېۊ ېەرۍ پێخامۍ سەرو قەرارو ١٣٢٥ ی سەرو ئاژەو ژەنا جە مەنتېقە کورڎسانېەکاو بەرو ھەرێمو کورڎسانی و عێراق بەگرڎی ئاماڎە کەرمۍ و داواکەرڎەو ژەنا ئی مەنتېقەیەو داواو ڕێکوزېاکاو گلێرگەی مەڎەنی جە کەرکوک و دوبزو داقوق ئاڕاسەو پەرلەمانی و حکومەت و عێراقی و پارێزگارو کەرکوکی مکەرمۍ  .

ھ.ئ