ئارۊ نیمەڕۊ، جە پاریس-و پایتەختو فەڕەنسای، هێرشێۋی چەکداری کریا سەرو ناوەندو کلتووری ئەحمەد کایای.
بە پاو زانیارییەکان؛ هێرشەکە یەک کەس ئەنجامدان و جە میانشەنە چەکی ئۆتۆماتیکیش بەکاربەردەن. هێرشبەرەکە ناوەندو کلتووری ئەحمەد کایای، چاشتخانێو و هەرپاسە سەرتاشخانێوش گوللەۋارانۍ کەردێنۍ.
زانیارییە سەرەتاییەکۍ باس جە کوشیای ٣ کەسان و هەرپاسە برینداربییەی ٤ کەسۍ تەرۍ مکەرانۍ کە سەرجەمشان کوردێنۍ. زانیان ٢ جە بریندارەکان برینەکێشان سەختێنۍ.
سەرچەمەکۍ پۆلیسی ئاشکراشان کەردەن: هێرشبەرەکە کەسێۋەن ئەشناسیان پێشان و تەمەنش ٦٥ تا ٧٠ ساڵانەن و دەستگیر کریان و پەیجۆری چەنیش دەستش پنەکەردەن، 
پۆلیس جە ئا بارەوە زاایاری زیاتەرش دان و ۋەڵاۋش کەردەنەوە: کەسەکە چنڎ رۊۍ جەی ۋەڵتەر جە زنیدان ئازاد کریان و جە ساڵەکۍ ٢٠١٦ی و ٢٠٢١یەنە هەوڵێش پەی کوشتەی کەسانی تەری بیانیۍ و پەنابەران بیێنۍ، بەڵام سەبارەت بە شناسنامەکەیش و هۆکاڕەکۍ پەشتەو هێرشەکەیش، پۆلیس زانیاری زیاتەرش نەڎان.