دەس ۋەڵۍ وستەو داڎپەرۋەری پۍ کورڎا ڕۊو ٣١ کانونو دوۋەمی جە سەعاڎ ١٣:٣٠ دەیەقۍ نېمەڕۊی جە مەیڎان و " شومان "ی جە پاڵ و ئەنجومەن و یەکێتی ئۊروپای  جە برۊکسل کۊنفرانسێۋە ڕۊنامە ۋانیشا ساز کەرڎ . جە کۊنفرانسە ڕۊنامە ۋانېەکەنە دەس ۋەڵۍ وستەکەی پۍ ئانەی پەکەکەی جە لېستو ڕێکوزیا تېرۊریشتېەکاو یەکێتی ئۊروپاینە  بەربارانۍ  ملوێنان ئېمزێشا ڕادەس و ئەنجومەن و یەکێتی ئۊروپای کەرڎۍ . دماو ئەرەیاۋناکەی کە بەنامونېشانەو " جە سەرو نامۍ ئاشتی ، دیموکراسی ، مافەکا مرۊڤی ئێمە داوا کەرمێنە ئەنجومەن و ئۊروپای پەکەکەی جە لېست و ڕێکوزیا تېرۆرستېە قەڎەغە کریاکانە بەربارۊنە " سازکریا ، واتە واچوو ڕێکوزیاو ئاشتی بەلجېکی " ڤێرد لودۊ دی براباندێر " نوێنەرو پڕۊگرێسېڤ ئېنتەرناشناڵی و دانېەل کۊپ و سەرۊک و پارتو چەپ و ئۊروپای – ئی ئێڵ واڵتەر بایەر، قسێشا کەرڎۍ و باسشا چانەی کەرڎ کە مشۊ پەکەکە جە لېستو ڕێکوزیا تېرۊرستیەکانە بەربێنە .

براباندێر : ئەگەر ئاشتېتا گەرەکا ، پەکەکەی جە لېستو ڕێکوزیا تېرۊرستېەکانە  بەرباردۍ

واتە واچوو ڕێکوزیاو ئاشتی بەلجېکی " ڤێرد لودۊ دی براباندێر " جە بارۊو ڕادەس کەرڎەو ئېمزاکا بە یەکێتی ئۊروپای ۋاتش " ئێمە ئېنایمۍ چۍ  ۋەرو ئانەی پەکەکەی جە لېستو تېرۊریەنە بەربارمێنە ، قەرارۍ  فرەو داڎگاکا ھەنۍ کە ماچانۍ پەکەکە ڕێکوزیێۋە تېرۊرستی نېا ، ڕێکوزیێۋەن کە لایەن گېروجەنگی نیا ،ھۊڵ مڎریۊ ئەرەکۊشاو ماف وازانەو کورڎا پێچەوانە نېشانە بڎریۊ . مشېۊ دمایی پېنەی بێنە ، ئەگەر شمە جە ترکېەنە ئاشتېتا گەرەکا ، جە ۋەرکۊتو دلۍ ڕاسەینە (ناوەڕاست) چنی کورڎەکا ئاشتېتا گەرەکا ، ئەشۊ پەکەکەی جە لېستو ڕێکوزیا تېرۊریستېەکانە بەرباردۍ .

کۊپ : پەکەکە گوزارشتا جە ئەرەکۊشایۍ یەکسانی

ئەنڎامو سکتاریەت و پرۊگرێسیڤ ئېنتەرنەشناڵ دانیەل کۊپ ۋاتش " پرۊگرێسیڤ ئېنتەرنەشناڵ ڕێکوزیێۋە مېان نەتەوەیین پۍ ئانەی ئەرەمەرزیان کە ھێزە ۋەڵێکۊت وازەکا  جە سەران سەرو جەھانېنە بە ڕێکوزیای کەرۊنە و ېۊگێرتێشا کەرۊنە ، ئارۊ چنی دۊسە کورڎەکاما داواو بەرئارڎەو نامۍ پەکەکەیما کەرڎ جە لیستو ڕێکوزیا تېرۊریستېەکاو ئۊروپاینە ، ئانە چن ساڵێن پەکەکە سەرو داواو دۊڵەت و ترکېەی جە لاېەن و یەکێتی ئۊروپایۊ پێسە ڕێکوزیێۋە تېرۊرستی ئەشناسېان ، ئانە ڕاس نېاو چەڵەتا ، پەکەکە ڕێکوزیێۋە تېرۊرستی نېا ، پەکەکە پارتێۋی سېاسېن و گوزارشتا جە ئەرەکۊشاو کورڎا جە پاو ئاشتی و یەکسانی جە ترکېەنە ، ۋەرو ئانەی ئارۊ ئېنایمۍ چۍ ،جە چۋارلۍ جەھانېۊ ملوێنان ئېمزۍ ڕادەس و ئەرەمەرزیاکاو ئۊروپای کریانە ، پۍ ۋەڵۍ کۊتەو ئاشتی و ئارامی جە ۋەرکۊتو دلێڕاسەیەنە (ڕۊژھەڵاتی ناوەڕاست )، ئەشۊ پەکەکە جە لېست و تېرۊریەنە بەربێنە .

بایەر :پەکەکە نوێنەرو گەلو کورڎیا

سەرۊک و پارتو چەپ و ئۊروپای- ئی ئێڵ واڵتەر بایەر پی جۊرە قسێش کەردۍ " من بە نوێنەرایەتی پارتو چەپ وئۊروپای بەشڎاری ۋێنېشانڎاو کۊڼفرانسی ڕۊنامە ۋانیم کەرڎ ، ۋەرو ئانەی پەشتېۋانی جە ئەرەکۊشاو گەلو کورڎی پۍ یەکسانی و دیموکراسی و ماف و چارەو ۋۍ نۋیستەی کەرمۍ ، پۍ ئەرەچارەو جەنگی جەمابەین و کورڎو- تورکېنە و بەر ئارڎەو پەکەکەی جە لېستەکەنە کە پۍ ئاشتی پەنەوازەن ، ۋەرو ئانەی پەکەکە بەشێۋەن جە چارەسەری . پەکەکە نوێنەرو گەلو کورڎیا و پۍ ئاشتی خۊتان پێگێۋە بەقوەتا ، ۋەرو ئانەی پارتو چەپ و ئۊروپای پۍ ئانەی ۋەرگېری جە ئاژەو تەرەفەکاو جەنگی کەرۊنەو ئەرەچارێۋە ئاشتېانە بێنە ئاراۋە ، یۊ گێرتەو گەلاش بە بنەما گێرتەن .

ھ.ش