هەڵمەتەو کۊکەرڎەیۊ ئیمزایا، بە مەبەسوو دماییئارڎەی بە گۊشەگیری سەروو رابەروو گەلوو کورڎی "عەبدوڵڵا ئۊجەلان"ی درێژەش هەن. دەسوەڵێوزیی گەلوو سەرنیشت و وەکەوتوو سوریای بە هەماهەنگی چەنی دەسوەڵێوزیی ئازاڎیی ڕابەر "عەبدوڵڵا ئۊجەلان"ی جە سووریانە جە ٢٢ی کانوونوو دووەمینە، بە درووشموو 'گەلاو سەرنیشتی و وەرکەوتوو سوریای داواو دماییئارڎەی بە گۊشەگیری سەروو رابەروو گەلوو کورڎی "عەبدوڵڵا ئۊجەلان"ی و مسۊگەرکەرڎەی ئازاڎیی جەستەیی ئاڎی کەرا" هەڵمەتێوەشا ئەرەیاونێبۍ.

کۊمیتە پەیوەنڎیدارەکاو هەڵمەتەکۍ تا ئیساتۍ نزیکەو ٨٩٢ هەزار ئیمزایاشا کووۍ کەرڎێنێوە.

کانتۊنەکاو عەفرینی و شەهبای

کانتۊنەکاو عەفرین و شەهباینە بە دەسوەڵێوزیی گەلی نزیکەو ٣٠ هەزارا و ٤٦٠ ئیمزایاشا کووۍ کەرڎێنۍ.

ڕەقا، تەبقا و دێرەزور

جە تەبقا و دەوروبەرشنە نزیکەو ١٠٠ هەزار ئیمزۍ، جە ڕەقا و دەورەبەرشنا زیاترجە ١٧٠ هەزارا و جە وەرپڕوو دێرەزووری و دەوروبەرشنە ٥ هەزارۍ و ٨٤١ و جە وەرکەوتوو دێرەزوریچنە زیاڎتەر جە ٥٢٠ ئیمزۍ کووۍ کریێنۍ.

هەرێموو فراتی

جە کانتۊنوو کۊبانۍ زیاڎتەر جە ٥١ هەزار ئیمزۍ، جە منبجیچنە زیاڎتەر جە ١٢٠ هەزار ئیمزایا کووۍ کریێنۍ.

هەرێموو جزیرەی

جە کانتۊنوو حەسەکەی ٢٠٠ هەزار کەسۍ دەگانە و شارۊچکە و مەنتێقەو شارەکانە بەشدارییشا جە هەڵمەتەکێنە کەرڎەن.

جە کانتۊنوو قامیشلۊینە زیاڎتەر جە ٢١٥ هەزار ئیمزۍ دەگانە، شارۊچکە و مەنتێقەو شارەکانە کووۍ کریێنۍ.

تەسەور کریۊ هەڵمەتەکۍ تا ١٥و شوباتۍ درێژەش بۊ.