جە ۋڵات و بەریتانیایەنە ۋێنیشان دای دژوو گلێرکوژې پاریسی سەرەمڕە ۋەردەواما
سەرو بانگەوازو کۊنگرەو جڤاکی ئازاڎی – کەجەدەکەو ئۊروپاې جە دژو تیرۆرکەردەو کوردا جە شارو پاریسی و ھجوم کەردەی.
سەرو گلێرگەو کوردی جە پاریس ، گلێربیەېۊ سەرتاسەری ئەنجام ڎریا .
جە ۋڵات و بەریتانیای بە ۋەرھەنگامەو کۊمسیۊن و پانیشتی جە بەریتانیا سەر بە کەجەدەکەو ئۊروپای و جڤاک و ئازاڎی جە بەریتانیا و جۋانۍ شۊڕشگێڵۍ و مەجلیس و ژەنا جە بەریتانیا چالاکی دژو گلێرکوژېەکەو پاریسی لوا ڕاۋە .
جە شارو لەندەنی و جە ۋەربەرەو کونسڵگەری فەرەنسەینە گلێرۍ بیێۋەو دلۍ شارەکەیەنە ڕاپیمایشا ئەنجام دا . ھەرپاسە جە شارەکاو لیدزی و لیڤەرپولیەنە چالاکی و ناڕەزایی ئەنجام ڎریا . ھام ۋەخت ھام ۋڵاتیۍ کوردی نیشتەیرۍ ۋڵات و سکۊتلەندەی جە شارو گلاسکۊی پایتەختیەنە چالاکی و گلێربیەیۊ لوا ڕاۋە .
جە گلێرۊبیەکانە ېاۋنەر بە زۋانی ئینگلیزی سەرو ھام ۋڵاتیارە بەشکریا و زانیاری دژ بە تیرۊرکەردەو کوردا جە فەرەنسەنەو داواو دادپەرۋەری پۍ کورداو جە دژو سیاسەت و تیرۊری فاشیزمی دۊڵەت و ترکیەی پۍ ڕای گرڎی ۋەڵا کرېاۋە .
جە گرڎو شارەکانە چالاکیەکۍ جە سەعات ٢:00 ێ دما نیمەڕۊی تا ٤:٠٠ وێرەگای سەرەمڕە ۋەردەوام بۍ .
ھ.ئ
