جە ۋەرکۊتوو کوردەسانینە نەورۆز بە شێوێوە تاریخی پیرۆز مکریۆ
نەورۆزو ئېساڵی جە ۋەرکۊتوو کوردەسانینە جە گرڎ شۊنەمێوەنە بە گلېرۊبیەی هەزاران کەسا بە شێوێوە تاریخی پیرۆز مکریۆ.
مبارەکباییەکۍ نەورۆزی
مەراسیمەکۍ ڕووانە بە بەشداریێوە گۊرۆ ئەنجام مڎریا. جە ١٨و ئاداریوە چڼین مەراسیمۍ ئەنجام دریۍ.
هېزی جە چڼین شارۍ و ناوچۍ ۋەرکۊتوو کوردەسانینە بە بەشداری هەزاران کەسا نەورۆز پیرۆز کریا. جە مەراسیمەکانە کوردا بە جلوبەرگی کولتووری کوردییوە بە گۆرانیۍ کوردیێوە بە جۊشو خرۆشۆ زەماونەشا گێڵنا.
جە مېڎانوو مەراسیمەکانە هەزاران کەسۍ جە ژەنا، جوانا و پیایا بە جلوبەرگی ڕەنگاو ڕەنگۆ ئېرو نەورۊزی مکەراوە، پېسە هېماو ئازادی نەورۆزی جە یۊترینی پیرۆز مکەرا.
بڕۍ چا شۊنەمایا کە نەورۆزشا چنە پیرۆز کریا پی جۊرەنە:
جە دەگاو قارنی سەر بە ناوچەو نەغەدەو ئورمیەینە نەورۆز پیرۆز کریا.
جە ناوچەو دزێی مەرگەوەری ئورمیەینە نەورۆز پیرۆز کریا.
جە دەگایەکا بوێرانی و سیسێری سەر بە شارو سەردەشتی نەورۆز پیرۆز کریا.
جە دەگایەکا شیناوێ و بادیناوێی پیرانشارینە نەورۆز پیرۆز کریا.
جە دەگاو قەلەوەریی سەرپێلو زەهاوی سەر بە کرماشانی نەورۆز پیرۆز کریا.
جە دەگاو قەلاکونی سەقزی نەورۆز پیرۆز کریا.
جە دەگاو کێوەڕەشی و دەگاو حسێن ئابادی بۆکانی نەورۆز پیرۆز کریا.
جە دەگاو سەردۆشی سەر بە مەریوانی نەورۆز پیرۆز کریا.
