ئارۆ جە سنوورو شارو کرماشانو ۋەرکۊتوو کوردەسانینە جە لایەنو ئازادیوازا و بنەیانەو زینانیا سیاسییوە دژو سزاو جە قەنارەدای گلېرۊبیەیۍ ئەنجامدریا و چنەشەنە داواو هۊرشێونایۆ و مردنای سزاو جە قەنارەدای کریا.
سەرسەعبو ئارۊی جە پارکو سەرابی ناوچەو سونخورو سەر بە شارو کرماشانی بە بەشداری ئازادیوازا و بنەیانەو زینانیا سیاسیی وەحید بەنی عامریانی و پوویا قووبادینی، کە سزاو جە قەنارەدایشا سەرەرە سەپیان، گلېرۊبیەیۍ ئەنجامدریا.
جە گلېرۊبیەکەینە چالاکاو گلېرۊبیەکەی نیگەرانی ۋێشا بەربڕی و داواو هۊرشێونایۆ و مردنای سزاو جە قەنارەدای زینانیا سیاسیشا کەرڎ.
هامکات، ئارۆ ٦٠ـەمین ڕۆو هەڵمەتۊو “یەرەشەممەکا نا پەی جە قەنارەداین”، کە ئا هەڵمەتۍ جە لایەنو زینانیا سیاسیی کوردی و ئێرانیوە پێکئامان و چالاکا و ئازادیوازا پەشتیوانیش ۋنە مکەرا، هەرپاسە چی ڕووانە ئەنداماو هەڵمەتەکۍ دەس بە مانگېرتەی جە واردەی مکەرا پېسە ناڕەزایی بەربڕیەی دژو سزاو جە قەنارەدای.
