بەبۊنەو ساڵۋەگەڕو پېلانگێڵی مېان نەتەۋەیی ١٥و شوباتو ساڵەو ١٩٩٩ی کە جە ئاکامشەنە "عەبدوڵا ئۊجالان" ڕابەرو گەلو کورڎی گېریا، جە مەنتېقەو یەرشۊڤای جە ھەرێمو ساراتۊڤای چالاکی ئەنجام دریا.

جە چالاکېەکەنە سەرو نامۍ کورڎاو یەرشۊڤایۊ سەرۊکو ئۊتۊنۊمی کورڎی کورڎی یەرشۊڤای مېرزا عەلی و ئەنڎامو ئەنجومەنەکەی سوڵتان باکی قسێشا کەرڎۍ.

جە قسەکاشانە ئەرەیاۋیا کە ١٥و شوباتی پۍ گەلو کورڎی ڕوۋۍ سېاوا و باس و ئانەیچ کریا کە تاۋەکو ڕابەر ئاپۊ ڕابەرو گەلو کورڎی ئازاڎ نەبۊ ئەرەکۊشایشا ۋەردەوام بۊ.

چالاکا باس و ئانەیچشا کەرڎ، کە گۊشەگېریچ پېلان گێڵېۍ مېان دۊڵەتېنو جە دژش ناڕەزایشا بەربڕی، ئانەیچشا وست ڕوۋە کە ئا سېاسەتەی دژو کەسایەتی "عەبدوڵا ئۊجالان"ی ڕابەرو گەلو کورڎی ئەنجامدریا، سەرنەکەوتەنو جە ئاېندەیچەنە سەرمەگنۊ.

ھ.ش