جە چن ڕۆی ویەردەنە بۆنۆو ٨و ئاداری ڕۆو جەهانی ژەنە ڕەنجدەرا، ژەنێ فرەو شارەکا ئەمریکاینە مجیێرە سەرو جاڎەکا و دژو هرووژمەکا سەرو شۆڕشو ژەنا و کوردەسانی دەنگشا بەرزکەردۆ.
ژەنێ ئەمریکاو لاتینی بەڕۆحو مڏرامانو ژەنا کوردەسانیۆ، جارێوە تەر پەشتیوانی وێشا جە ئەوەکۆشای و مڏرامانو ژەنا کوردەسانی واوەی کەردۆ.
ڕاپیمای شارەکا بوینس ئایرس و لا پلاتای ئەرجەنتینی، شارەکا بۆگاتا و مەدەلینی کۆڵۆمبیای، هەرێمەکا سانتیاگۆ و ڤنیا دێل ماری جە شیلی، مۆنتێڤیدۆی پایتەختو ئۆرۆگوای و شارو سان کرستۆباڵی مەکسیکینە، وەڵاکراوێ کە جە لایەنو جمیەرو ژەنا کوردەسانیوە ئامادەکریبێنێ دلێ جەماوەرینە وەڵاکەردۆ.
ژەنێ ئەمریکای لاتینی (ئابیا یالا) پەشتوانییەکێشا تەنیا جە ئەنجامدای چالاکییەکانە قەتیس نەکەردەبێوە، بەڵکوم بە چنین ڕێ تەرێ پەشتوانیشا بەربڕی. چا چوارچێوەنە بە مەبەسو وەڵاکەردەیۆ زانیاری زیاتەر سیمینار و خێمێ پەی ئاگادارکەردەیۆ جە لە ئەوەکۆشای نریارە.
هەرپاسە شارو بۆگاتاینە پایتەختو کۆڵۆمبیای، بەنامنیشانو 'ڕەنگو شۆڕشو ژەنا کوردەسانی و کاریگەرییەکێش سەرو ژەنا جە گرڏو جەهانینە' هەردووی زانکۆو بۆگاتانی و گەڕەکەو سانی کرستوباڵی سیمینار ڕێکوزیا.
شارو سان کرستوباڵو مەکسیکینە پەی هۆشیاری و زانیاری زیاتەر خێمێ نریارە و بابەتی پەیوەندیدار بە شۆڕشو ژەنا کوردەسانی دلێ جەماوەرینە وەڵا کریاوە.
هەرپاسە جە شیلینە سەبارەت بە کۆنفیدراڵیزمو دیموکراتیکی سیمینار لواڕاوە و هامکات سەرو مڏرامان و ژەنا و شێوازو بەڕێکوزتەی ژەنا گفتوگۆ کریا.
