شەۋەی ۋېەرڎۍ جە مەنتېقەو " خۊی " جە پارێزگاو ورمۍ و سەر بە ۋەرکۊت و کورڎسانی زەمین لەرزێۋە بە قوەت و  ٥.٩ پلا بە پێوەرو ڕێختەری ڕووەش دا .

بەپاو زانېاو سەرچەمە ئێرانېەکا ، جە زەمېن لەرزەکەنە لانی کەم ٣ کەسۍ گېانشا جە دەس دان . بە ۋاچەو محەمەد سادق موعتەمدېان-ی پارێزگارو ورمۍ ٥٨٠ کەسۍ تەرېچ زامڎارۍ بېێنۍ .

موعتەمدېان واتش ؛ ١٦ کەسۍ ڕەوانەو نەۋەشخانەو سەڵماسی کرېێنۍ و ٦ کەسێشا عەمەلېاتشا پۍ کرېان ٢٠ کەسۍ تەرېچ بە مەڵامەت و قورسی زامەکەېشاۋە جە نەۋەشخانەنە ۋزېێنۍ چێرو چەمڎاری چڕی .

موعتەمدېان ئەرەېاۋناش ، زەمېن لەرزەکە بېەن بە مەڵامەت و زەرەر ېاوای بە ٧٠ دەگاېا جە مەنتېقەکەنە .

ئېنە جە ۋەختێنە زەمېن لەرزێوەتەر جە ٢١ و کانونو دووەمېەنە جا شارو " خۊی " ڕووەش دا ، بە پاو گوزارشت و ۋێڕاۋەبەری گرڎی ئاوەڎانکەرڎەو ورمۍ ، چا زەمېن لەرزەنە ٣ ھەزارۍ و ٨٥٠ بېنۍ و ١٣ خۊنڎنگۍ زەرەرشا لا ېاوان .

ھ.ئ