جەنگاوەرا ماکی جە گەڤەرەنە چالاکیشا کەرد
جەنگاوەرا ئازادی کوردەسانی (ماک) ئەرەیاونانش پەی موبارەک کەردەی ساڵڕۆو ڕزگارکەردەی کۆبانێ، گورزەشا جە چنین تڕۆمبێلا زرێپۆشو دۆڵەتو تورکی ئەرەگیری شانێنە.
جەنگاوەرا ئازادی کوردەسانی (ماک) دەربارەو چالاکییە ئەنجامدریاکا جە گەڤەرەنە زانیاریش وس ڕووە.
جە ئەرەیاوناکەینە ئاماژە پانەیەکریان جە ٢٦و کانوونو دووەمی سەعات ٢٠:٣٠، جەنگاوەرا ماکی پەی سڵام کەردەی جە ١٠هەمین ساڵڕۆو ڕزگارکەردەی کۆبانێ گورزەی کاریگەرەشا دێنە جە چنین تڕۆمبێلێ زڕێپۆشێو دۆڵەتو تورکی ئەرەگیری جە کۆڵانەو کشلا کۆنو گەڤەری.
هەر جە ئەرەیاوناکەینە ئاماژە پانەیە کریان جەنگاوەرەکێشا جە سەعات ٢١:٣٠ دەقێنە پەی سڵام کەردەی جە مڏرامانەکا وەرنیشتی درووشمەکا 'بژیوۆ پەکە و یەپەگە'شا واتەنۆ.
جە بەردەوامی ئەرەیاوناکەینە ئاماژە کریان پانەیەی پۆلیسێ دۆڵەتو تورکی ئەرەگیری جە سەعات ٢٢:٢٠ بە تڕۆمبێلی زرێپۆش هرووژمشا کەردەن سەرو جەنگاوەراما و ئامان: "جەنگاوەرەکێما بە مڏرامان وەربەرچو هرووژمەکەیشا دانۆ و جە دووێ قۆڵێوە بە بۆمبی دەسی و فیشەکی هەوای گورزەشا جە پۆلیسی دا. جە ئەنجامەنە پۆلیسە ئەرەگیرەکێ ناچارێ بیێ بڕەمێ جا یاگێنە."
