جەنگاوەرا محەممەد خەیری دورموشی جە هێزەکاو جمیەرو شۆڕشگێڵنی یۆگێرتەو گەلا (هەبەدەهە)ی ئەرەیاۋناش؛ پەی یاڎو مڎرامانو زیڼانیا جە مەنتیقەو کۆجاعەلینە ئێرشا جە هۆتێلێوە گەشتیاری فاشیستا ۋەردان.
جەنگاوەرا محەممەد خەیری دورموشی جە هێزەکاو جمیەرو شۆڕشگێڵنی یۆگێرتەو گەلا ئەرەیاۋناشا، سەعات ٠١:٤٠ دەیەقۍ ڕۆو ١٩و ئەیلولی ئوتێلێوە گەشتیاریەو فاشیستاشا جە ناوچەو چامچۆکور-ی کوجەعەلینە بە تاکتیکو سابۆتاژی کەرڎ ئامانج و جە ئاکامەنە ئوتێلەکۍ بەتەمامی سۆتە."
جە ئەرەیاۋناکەینە سەرنج وزیان سەرو هرووژم و ئەرەگیریە کاولکاریەکا دۆڵەتو ئەرەگیرو تورکی، سڵام جە مڎرامانو گەریلاکا ئازادیی کریان و جەختشا جە مڎرامانوو زیڼانیا کەرڎەنۆ. هەرپاسە جە ئەرەیاۋناکەینە ئامان:
"مڎرامانوو زیڼانیا ئامەدی نموونەو مڎرامانی بۍ کە فاشیزمش جە بناغۆ هۆرتەکنا. ئەرەکۊشایۍ چامنە بۍ کە هیوا و ئیرادەش بە گرڎو کۊششکارا ئازادیی بەخشا. ئی ڕۆحو مڎرامان و ئەرەکۊشاییە جە مەزڵومیۆ پەی خەیرییەکا پەرەش سانا و تا ئارۆیچ جە کەسایەتی عەبدوڵا ئۆجالانی ڕابەرو گەلوو کوردی و زیڼانیەکا تەرینە دژ بە فاشیزمی بەردەوامیش هەن.
چی ئەرەیاۋناینە، جە جوابو ئا گۆشەگیرییەینە کە سەرو ڕابەرو گەلوو کوردی عەبدوڵا ئۆجالانیرە سەپیان، ئامان: "بەبێ چەمەڕایی جە ڕژێمو فاشیستی تورکینە، پەنەوازا گرڎما جە هەر شۊنێنە بیمۍ پەی ماڕای گۆشەگیریی سەپیای دەس بە چالاکییەکایما بکەرمۍ و بە دەنگۍ بەرز داواو ئازادی ڕابەر ئۆجالانی بکەرمۍ. پی چالاکییە داوا جە جوانا و ژەنا مکەرمۍ کە بە ڕۆحو مڎرامانوو زیڼانیا ئامەدی دامودەزگاکا دۆڵەتو ئەرەگیرو تورکی بکەرا ئامانج. ئارۆ زیاتەر جە گرڎ کاتێ زیاتەر ڕۆو خاوەندارین جە گەریلاکاو ئازادیی و ماڕای ئەرەگیری و گۆشەگیری سەپیاو سەرو ڕابەرایەتیما."
