جەنگاوەراو باز ئازاد پیرۆی هەبەدەهەی، ئەرەیاۋناشا جە دژو گۆشەگیری و هرووژمە ئەرەگیریەکا دۆڵەتو تورکی، جە چالاکیێوە جوابدایۆینە جە موغلاینە ئێرشا جە کارگێوە وەشکەرڎەی یەختی و بەلەما ۋەردان.
جەنگاوەراو باز ئازاد پیرۆی هەبەدەهەی، ئەرەیاۋناشا جەنگاوەرەکێشا جە موغلاینە ٢٥و ئەیلولی سەعات ٠٤:٠٠ ئێرشا ۋنەو کارگەو ئێچملەرێ کە هەرمانەش وەشکەرڎەی یەختی و بەلەمێن ۋەردان.
جە ئەرەیاۋناکەینە ئاماژە پانەیچ کریان کە جە چالاکیەکەنە چڼین یەختۍ سۆتێنۍ و جەنگاوەرەکێشا بە سلامەتی شۆنەکێشا جیا ئاستێنە.
چالاکیەکە دژو گۆشەگیری ئەنجامدریان
جەنگاوەراو باز ئازاد پیرۆی جە ئەرەیاۋناکەینە ئاماژەشا پانەی کەرڎەن کە چالاکیەکە جوابێوەن جە دژو گۆشەگیری سەرو ڕابەرو گەلو کوردی عەبدوڵا ئۆجالانی و ئەرەیاۋنانیچشا: "بەڕێز و پنەزانایۆ یاڎو گرڎو هەمڕایاما مکەرمېوە کە بۆنەو ئەرەکۊشای ئازاڎی گەلەکەیمانە گەشمەرڎۍ بیۍ. تا مسۆگەرکەردەی ئازادی و ماڕای هرووژمەکا دۆڵەتو فاشیستو تورکی، چالاکیەکێما جە شار و کەشەنە بەردەوامۍ مەبا."
