ڕابەرو گەلو کورڎی " عەبدوڵا ئۊجالان "جە ١٥و شوباتو ١٩٩٩ی بە ھامکاری ژمارێۋە فرە جە ھێزە مېان نەتەوەیی و ھەرێمیەکا جە کېنېاۋە گېریاو ڕادەسوو دۊڵەتی ترکی ئەرەگېری کریاۋە و جە گێرتەخانەو ئېمڕاڵی ئەسیر کریان. پېلانگێڵنای مېان نەتەۋەیی ١٥و شوباتی جە کەسایەتی عەبدوڵا ئۊجالانیەنە دژو گەلو کورڎی ئەنجامدریاو پاش وست ساڵەو ٢٥ەمېنیۊ. ژەناو جۋانا کۊبانۍ قسێشا پۍ ئاژانسوو ھەۋاڵی فورات(anf)ی کەرڎۍ.

ئێمە بەفەلسەفەو تێزەکا ڕابەر ئاپۊی گۊرۍ بیمۍ'

یارا نەبی باسش چانەی کەرڎ کە پێسە ۋەردەسێوە ڕابەر ئاپۊی ئاڎۍ بەبۍ مردای درێژە بە ئەرەکۊشای مڎاو ۋاتش،" ئێمە ۋەردەوام جە مەیڎانەکانە بېمۍ. ئێمە بە فەلسەفەو ڕابەر ئاپۊی گۊرۍ بېمۍ. ۋەرو ئانەی، ئێمە جە پاو دەسەبەرکەرڎەو ئازاڎیی پۍ ڕابەر ئاپۊی گرڎ چێۋۍ کەرمۍ. دۊڵەتە دەسەڵاڎ دارەکۍ پاڕادایمو فکرەکۍ ڕابەر ئاپۊیشا پۍ سەرو ۋێشا بە مەتەرسی زانۍ. ۋەرو ئانەی جە ۋەران ۋەرو ئانەینە پېلان گێڵیۍ پا جۊرەشا ئەنجامدا. بەڵام با گرلایۍ بزانا، ئێمە دۊڵاتا دەسەڵاڎ داری وڕنمۍ و ڕابەریما ئازاڎ کەرمۍ.

ھەتا جۋانێۋە کورڎی مەنۊ ئا ئەرەکۊشایە ۋەردەوام بۊ'

ھېلال عەلی سەبارەڎ بە گۊشەگېری ڕابەر ئاپۊی واتش،'' ئێمە پێسە جۋانا فیدایۍ ڕابەر ئاپۊینمۍ. ھەتا مۍ گۊشەگېری سەرو ڕابەر ئاپۊی تنتەرو قورستەر بۊ. ئێمە پێسە جۋانا خۊتان فەلسەفەو ڕابەر ئاپۊېنمۍ. ئێمە ئېنایمۍ چنی ڕابەر ئاپۊی. ھەتا جۋانۍ کورڎ مەنۊ ئەرەکۊشای ۋەردەوام بۊ.

ئێمە جە مەیڎانەکاو مڎراماینە مەنمێۋەو ۋەردەوامۍ بېمۍ

فاتمە عوسمان ۋاتش،'' دۊڵەتو ترکی ھۊڵ مڎۊنە جە ڕاو گۊشە گېریۊ گەلی و ڕابەر ئاپۊی جە یۊی بڕانە پۊکەی پی جۊرە درێژەش مڎا پەنە. ئێمە بە ئەرەکۊشای ۋەردەوامو ۋێما جە مەیڎانەکانە ئازاڎیی ڕابەر ئاپۊی مسۊگەر کەرمێنە.

ھ.ش