بەھەڵمەتەو چالاکی نۋیستەو دروشمەکا سەرو دیۋاری جە تەرەفو جۋانا کورڎیۊ پۍ وستەی ڕوۋەو داواو ئازاڎیی ڕابەرو گەلو کورڎی "عەبدوڵا ئۊجالان"ی ۋەردەواما. جۋانۍ شارو ورمۍ و دەگاو باڵاوی بە نۋیستەو دروشمەکا داواو ئازاڎیی ئۊجالانېشا کەرڎ.
بەبۊنەو ۋیەرناو ٢٤ ساڵا سەرو پېلانگێڵی مېان نەتەوەیی ١٥و شوباتیەرە بەھەڵمەتەو چالاکی نۋیستەو دروشمەکا سەرو دیۋاری جە تەرەفو جۋانا کورڎیۊ پۍ وستەی ڕوۋەو داواو ئازاڎیی ڕابەرو گەلو کورڎی "عەبدوڵا ئۊجالان"ی ۋەردەواما. جۋانۍ شارو ورمۍ و دەگاو باڵاوی بە نۋیستەو دروشمەکا داواو ئازاڎیی ئۊجالانېشا کەرڎ.
ژمارێۋە جە جۋانا شەۋەی ۋیەرڎۍ جە ساحەو تۊپەو پەیا جە گەڕەکەو " سێرو"ی جە شارو ورمۍ، سەرو ڕاو جاڎەو بێھداشتی سەرو دیوارەکاو ئا شاریۊ دەسشا بە نۋېستەو دروشمەکا کەرڎ.
جۋانۍ شارەکەی بە دروشمەکاو " پېلانگێڵی ١٥ و شوباتی شەرمەسار کەرمۍ ، بژیۋ ڕابەر ئاپۊ ، ئازاڎیی ڕابەر ئاپۊی ئازاڎیی گەلو کورڎیا ، ژەنی ژیای ئازاڎی"شا سەرو دیوارەکاۋە نۋیستۍ و داواشا کەرڎ، ھۊڵەکۍ گەلو کورڎی و گەلا چەوەسیایۊی جە پاو ئازاڎیی جەستەیی ڕابەرو گەلو کورڎی "عەبدوڵا ئۊجالان"ی چڕکەراۋە.
ھ.ش
