جوانێ کوردۍ فەرەنسای وێرەگاو ڕۆو چوارشەممەی جە چوارچێوەو هەڵمەتەو "ئازادی پەی عەبدوڵا ئۆجالانی و، چارەسەری سیاسی پەی کێشەو کوردی"، چالاکیشا ئەنجامد.

سەرەتا بە دەیەقێوە ڕێزگێرتەی پەی یادو گەشمەردا ئازادیی چالاکییەکە دەسش پنەکەرد. دماتەر جوانێ بە دروشمۆ جە مېڎانوو (بێل دی مای) بەرەو پارکو (لا پۆست)ی ڕاپیمایشا کەرد.

جە میانەو ڕاپیماکەینە جوانێ بەردەوام دروشمەکۍ "بێ سەرۆکی ژیوای نمەبۆ"، "بژیۋۆ سەرۆک ئاپۆ"، "جوانێ فیداو ڕابەر ئاپۆینێ"شا بەرزۍ کەردێوە.

دماو ڕاپیماکەی چالاکا گلێرێ بییێوە و جە لایەنو نوێنەرو جوانا کوردا فەرەنسایۆ بەیاننامێوە ونریاوە.

جە بەیاننامەکەنە ئاماژە پانەیەکریا: "زوەن گۆشەگیری ڕەها سەرو ڕابەر ئاپۆیرە مسەپنا. ئی گۆشەگیریە جە هەمان کاتەنە بەماناو گۆشەگیری سەرو گەلو کوردی و کوردەسانین."

هەرپاسە جە بەیاننامەکەینە داوا جە گردو جوانا کریا خاوەنداریی جە سەرۆک ئاپۆی بکەرا و پەی ئازادی جەسەو بەڕێزیشا چالاکانە بەشدارۍ کار و چالاکییەکا بانۍ."

چالاکییەکەو جوانا بە واتەیۆ دروشما دمایش پنەئاما.