کۆچبەری جە لوبنانۆ پەی ناوچەکا ۋێڕاوەبەری بەردەواما
بە مەڵامەتو هرووژمەکا سوپاو ئیسرائیلی پەی سەرو لوبنانی، کۆچکەردەی خەڵکێوە فرەو ئەرەنیشتا لوبنانی بەرەو ناوچەکا ئیدارەو ۋێڕاوەبەری بەردەواما.
بە پاو ئەرەیاۋناکاو 'مێزەو قەیرانەکا خۆسەر'ی ژمارەو ئا کەسا جە لوبنانۆ بەرەو ناوچەکا سەرنیشت و ۋەرکۊتوو سوریای کۆچبەرۍ بیێنۍ، یاوان بە ١٧ هەزارۍ و ٩٤٨ کەسۍ.
ئا ژمارەیچشە پی جۆرە جیاکەردەنۆ:
٦٢٧٧ پیۍ، ٥٦٧٨ ژەنۍ، ١٩٣٦ زاوڵۍ، ٤٦ لوبنانیۍ. هەرپاسە ١١ تەرمۍ کۆچبەرایچ دەربازو هەرێمەکەی بیێنۍ.
نوێنەرایەتی ئیدارەو ۋێڕاوەبەری جە لوبنان و جەمەو چاندی کۆمەڵایەتی نەورۆزی کاروبارو گێڵایۆ ئاوارەکا ڕێکوزا و پەنەوازیەکا گێڵایۊیشا دەسەبەر مکەرا. ئیدارەو ۋێڕاوەبەریچ جە ڕاو لوجنەکاوە پێشوازی جە خەڵکەکەی مکەرۆ و پەنەوازیەکاشا جابەجێ مکەرا.
