ئەمیندارو گرڎیی عەسائیبو ئەهلی حەقی، قەیس خەزعەلی جە دیڎارێوەنە چنی نوێنەرو دۆڵەتو تورکی ئەرەیاۋناش: "پەنەوازا سوپاکێتا جە عێراقەنە کیشیۆوە و سوپاو عێراقی یاگێش بگێرۆوە"، هامکات رێککۊتەی ئەمنیی بەینو ئەنقەرەی و بەغڎایچش ڕەڎ کەردۆ.
ئەمیندارو گرڎیی عەسائیبو ئەهلی حەقی، قەیس خەزعەلی جە بەغڎانە پێشوازیش جە عەلی ڕەزا کونای نوێنەرو وەزارەتو جبەرو دۆڵەتو تورکی و ئانێل بۆرا، باڵیۆزو ئەنقەرەی کەرڎ.
جە میانو گلېرۆبیەکەیشانە، خەزعەلی ئەرەیاۋناش، پەنەوازا تەمامو هێزه سه‌روازییه‌كا توركیای جە عێراق و هەرێمو کورڎەسانینە کیشیاوە و گرڎو ناوچه‌كا چېرو هەیمەنەو هێزه‌كاو عێراقینە با.
هەرپاسە ئەمیندارو گرڎیی عەسائیبو ئەهلی حەقی، قەیس خەزعەلی ڕێککۊتەی ئەمنیی بەینو عێراقی و دۆڵەتو تورکیش ڕەڎ کەردۆ و جەختش کەردەنۆ، کە ئا ڕێککۊتەیە نەتاوانش گرفتەکا بەینو ھەردووە وڵاتی چارەسەربکەرۆ، پۊکەی پەنەوازا نەخشە ڕێوە گشگیر ئاماڎە بکریۆ پەی کیشیایۆ سوپاو تورکیای جە ھەرێمەنە.
ئەینە کە کاتێنە کە، ١٥و ئابو ٢٠٢٤ جە مابەینو عێراقی و دۆڵەتو تورکینە، ڕێککۊتەیۍ ١٠ خاڵی بە نام ئەمنیی ئیمزا کریا، ئانەی یاگۍ باسینە چی ڕێککۊتەینە ئەرەگیری و لەشکرکێشییەکۍ دۆڵەتو تورکی، بە ڕسمی و یاسایی مکریا، ئینەیچ کاروەدایش جە لاو بەشێوە جە سەرکردە سیاسییەکا عێراقیۆ شۆنەو ۋێشەرە ئاورڎ.
