جە چالاکییێوەنە جە ستهۊکهۊڵم پەی ئیدانەکەردەی کۊکوشییەکاو پاریسی، دەوڵەتاو ئەورووپای ئیدانە کریێ، کە جە وەراوەروو سیاسەتوو جینۊسایدوو دەوڵەتوو تورکینە بێدەنگنێنێ و پا بێدەنگییە ڕا پەی کۊکوشیی تەری وەش کەرا.
کوردستانییاو شاروو ستۊکهۊڵموو سویدی سەروو خوڵکەو کەجەدەکەی، چالاکیێشا پەی ئیڎانەکەرەی کۊکوشییەکەو پاریسی کەرد.
جە ڕاپیمایەکەنە ڕسموو شش گەشمەرڎا کۊکوشییەکەو پاریسی بەرزێ کریێووە و درووشمەکاو "ئەردۊغان بکوشا"، "ئەردۊغان تنڎوتیژی کەرۊ، ئەورووپایچ تەماشەش کەرۊ" و "سارا، ڕۊژبین، ڕۊناهی، ژەن، ژیوای، ئازادی" بەرزێ کریێوە. ڕاپیمایەکە وەردەموو "نۊرا بانتۊرجیت"ینە دەسش پەنە کەرڎ و تا دەوروو "سێرجلس تۊرگیت"ێ جە دلێ ستۊکهۊڵمینە وەردەوام بێ.
جە وەختوو ڕاپیماکەینە دا نامیلکێ و وەڵاکریێوێ سەروو کۊکوشییەکاو پاریسی ملوو هاموڵاتارە دابەشێ کریینێ و بارەو ئامانجوو ڕاپیمایەکەیۊ بە سویدی قسێ پەی خەڵکی کریێ.
عایشە گۊکتەپە قسەکەرەو یۊبییەی ژناو کوردی جە سکاندیناڤی جە سرگێلس تۊرگت واچێوەش پێشکەش کرد.
عایشە گۊکتەپە واتش: "دەوڵەتوو تورکی بە سەرۊکایەتیی کەسێوە پێسە ئەردۊغانی ونچەکنی، جە تورکیا تیرۊرێ کەرۊ و ئێساتێچ جە وڵاتاو ئەورووپاینە ئا کاری کەرۊ. هۊکارەکەیچش بێدەنگی و بێهەڵوێسیین وەراوەروو تورکی. وەختێنە ژناو کوردی بیینێ سیمبولووبەرخۊدنی و و ڕاپڕای، بێگومان دوژمناو کوردی ئانەشا پەنە قبووڵ مەکریۊ، مشۊم گەلەکەما جە گرد یاگێنە ڕاوشۊنوو ئامادەکاری وێش بۊش. حەتا ئی کۊکوشیێ ڕۊشنێ نەکریاوە ئێمە سەرەمڕ جە مەیدانەکانە بیمێ و درێژە بە یاگەپایا و ڕاو ڕەفێقاما و بەرخۊدانوو گەلەکەیما مدەیمێ".
چالاکییەکە بە واتەیۊ درووشما دماییش ئاما، دماو بەشداریکەردەی جە چالاکییەکەینە دانانی تاجە ولێنێ سیاوە وەردەموو باڵۊزخانەو فەڕەنساینە نریارە، کە قەرارا ٩ کانوونوو دووەمینە سەعات ١٢:٠٠ بلۊ ڕاوە.
